اسلام آباد۔ 30 دسمبر (اے پی پی) چین پاکستان اقتصادی راہداری ڈٹ(سی پیک) نا رداٹ تدوک آ 6 سال اٹی 11 ڈٹ آتے پورو کننگانے وخت اس کہ 11 پورو مننگ ءُ، داکان بیدس چندی ڈٹ آتیا سجفنگ انگءِ۔ سی پیک اتھارٹی نا کمامدارآتارداٹ سی پیک نا چنکو وخت اسے ٹی بھلو کچ اسے ٹی ڈٹ آتے پورو کننگانے۔ ہرافتے ٹی بجلی گھر، بنداوی پنجر نا شونداری، گوادر بندرگاہ نا جدت، و صنعتی شونداری اوار ءِ۔ پاکستان اٹ تدوک آ پنچ سال اٹ بنداوی پنجر و توانائی نا ویل آتے ایسر کننگ تون صنعتی شونداری نا بنداو ءِ تخنگا۔ بروک آ ریسہ ٹی پاکستان اٹ پین صنعتی شونداری آ سجفنگ انگ ءِ۔ مچ آ پاکستان اٹ خصوصی اقتصادی زون جوڑ کننگ کن 9 علاقہ غاتا پیدواری ءِ کننگانے۔ رشکئی، فیصل آباد اٹ علامہ اقبال انڈسٹریل زون، قائد اعظم صنعتی پارک و دھابیجی اقتصادی زون اولیتی بنداو تیا جوڑ کننگ انگ ءِ۔
