اسلام آباد۔ 30 دسمبر (اے پی پی) نیشنل کمانڈ اینڈ آپریشن سینٹر این سی او سی تازہ حساب وکتاب ءِ جاری کرینے۔ تدوک آ 24 گھنٹہ ٹی پین 55 مرک مس وخت اس کہ 2 ہزار 155 پوسکن ءُ کیس رپورٹ مس، سرجم حوال آتا رداٹ مچ آ ملک اٹی جم کیس آک 4 لکھ 77 ہزار 240 مسنو و کورونا غان مرک آتا جم کچ 10 ہزار 47 مسنے۔ سندھ اٹی زہمی تا کچ 2 لکھ 13 ہزار 193 مس، پنجاب اٹی 1 لکھ 37 ہزار 295 و خیبرپختونخواہ ٹی 57 ہزار 982 کچ ءِ۔ اسلام آباد اٹی 37 ہزار 556 و بلوچستان اٹی دا کچ 18 ہزار 188، آزاد کشمیر 8241و گلگت اٹی 4855مسنے، نیشنل کمانڈ سینٹر نا رداٹ سندھ اٹی 3520 و پنجاب اٹی 3982مرک مسنے۔ خیبرپختونخوا ٹی 1627و اسلام آباد اٹی 415 مرک مسنے۔ بلوچستان اٹی 182و گلگت بلتستان اٹی 101 مرک مسنے۔ آزاد کشمیر اٹی کورونا غان مرک آتا کچ 220 مسنے۔
