اسلام آباد۔28دسمبر (اے پی پی): بنجاھی کابینہ ءَ ارد ءِ ھلاپ ءَ بیان آنی سرءَ ترندی ءَ نوٹس زرتگ ءُ پراھ ءُ شاھیگانی کتگ کہ راجی ادارگ آنی ھلاپ ءَ گپ جنگ باز شرم ءِ ھبر ات، اے رنگیں تران آں چہ دژمن وش ءُ گل کنگ بوھگ ءَ انت، اے رنگیں بیان بھارتی میڈیا ءِ سر ءَ بریکنگ نیوز ءِ رنگ ءَ چلائینگ بنت۔ مریم ءُ پی ڈی ایم سروک پاکستان ءِ ازلی دژمن بھارت ءِ پاکستان ءِ ھلاپ ءَ ایجنڈا ءَ را دیم ءَ جنزینگ ءَ انت۔ حکومت ءَ چہ چے استیپا گراں پی پی پی ءِ سی ای سی ءِ پیسلہ ءَ چہ پد بی ڈی ایم ءِ کسہ گوست جوڑ بوتگ، عمران خان ءِ اے بن گپ انت کہ اگاں نواز ءُ زرداری ءَ را این آر او مہ رست انت گڈا مرچی جاور ھال سک باز جتا بوتگ اتنت، 18 ھژدھمی مٹ ءُ بدلی ءَ چہ پد فیڈریشن ءِ روح ءَ را یک شل ءَ دارگی المی انت، 2021 ءِ سال دیمروئی ، وشھالی ءُ معاشی برجائی ءِ سال بیت، استیں حکومت وتی وھد ءُ پاس ءَ را سرجم کنگ ءَ چہ پد توامیں سوگند آں پیلو ءُ سرجم کنت، سندھ حکومت وتی سیاسی مول ءُ مراد، پوائنٹ سکورنگ ءِ واستہ اے وڑیں جاور پیداک کنت انت ایشی ءَ چہ اے رند پد پیداک بنت کہ چیز آنی کمیگ یا گران بھائی انت۔ بنجاھی وزیرر اھولکاری ءُ شنگ کاری سینیٹر شبلی فراز، ھاسیں کمکار برائے پٹرولیم ندیم بابر ءِ ھمبراھی ءَ مزن وزیر عمران خان ءِ سروکی ءَ بنجاھی کابینہ ءِ دیوان ءَ چہ پد میڈیا ءَ را بریفنگ دیگ ءَ ات۔ بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ بنجاھی کابینہ ءِ ارزشتی ایں دیوان ءِ بوت۔ مزن وزیر ءَ دیوان ءِ بنگیج ءَ گوشت کہ انشا ء اللہ حکومت ءِ پشت کپتگیں وھد ءُ پاس ءَ احساس پروگرام ءَ را کارمرد کنان ءَ ڈیٹا بیس ءِ بنیات ءَ شدیکی ءُ گرینی ءَ را ھلاس کنگ ءِ واستہ توامیں آسراتی آناں کارمرد کناں، مزن وزیر ءِ ھمے کوشست انت کہ پاکستان ءَ اچ کس شدیکی ءَ چہ مہ مِر ایت۔ بنجاھی کابینہ ءَ وزیر ءِ جان سلامتی ڈاکٹر فیصل سلطان ءَ کورونا ءِ ھوالگ ءَ ھساب ءُ داد دات انت ءُ برطانیہ ءَ چہ آیویکیں مساپر آنی سر ءَ بندش ءِ ھوالگ ءَ کابینہ ءَ را سرپد کت۔ اے جیڈھ ءِ سر ءَ جھلانکیں نگاہ انت۔ بنجاھی وزیر سینیٹر شبلی فراز ءَ گوشت کہ پی ڈی ایم ءَ گیر زمہ واری ءَ گوں مچی ءُ جلوس ءَ ابید کوویڈ ءَ را گر ءُ دار کناں، کوویڈ ءِ اولی فیز ءَ مئے کرا سامان نیست ، ایشاناں ایمپورٹ کنگ کپتگ، نوں جاور گہتر انت، سامان وت جوڑ کنگ ءَ آں۔ آئی ءَ گوشت کہ کابینہ ءَ را سلام آباد ءِ گیر کانودی ماڑی ءُ ھند آنی جوڑیشت ءُ دیم کنزئی بندگ ءِ ھوالگ ءَ سی ڈی اے ءَ بریفنگ دات، دیم ءَ کنزگ ءُ ماڑی ءِ جوڑیشت آنی ھلاس کنگ ءِ واستہ ڈیڈ لائن ءِ ھوالگ ئَ ھم سرپد کت ایشی وھد ءُ پاس یک ءَ بگر تاں شش ماہ ءِ نیام ءَ انت۔ آئی ءَ گوشت کہ مئے حکومت ءِ وھد ءُ پاس سرجم بیت توامیں سوگند سرجم کنگ بنت، کورونا ءِ سبب ءَ سرجمیں دگنیا ءِ معیشت ءَ را بچار آں گڈاس ھمک شوبگ ءِ اندر ءَ مشکل ءُ جیڈھ است انت بلے اے رنگیں جاور آنی تہ ءَ مزن وزیر عمران خان ءِ سروکی ءَ ملک ءَ را کامیاتی ءَ گوں زرتگ ءُ دیم ءَ جنز اتگ آں۔ آءی ءَ گوشت کہ ما سہرا کتگ کہ ما پارلیمنٹ ءِ گوما سول ءُ تران کناں، 22 کروڑ ءِ نماھندگ اے پلیٹ فارم ءِ سر ءَ گپ کناں، کرپشن کیس آں ابید توامیں کار آنی سر ءَ گپ کناں۔
