اسلام آباد۔29دسمبر (اے پی پی):صدر مملکت ڈاکٹر عارف علوی ءَ گوشت کہ حکومت چاگرد ءِ بزگریں تبک ءِ گہبود ءِ واستہ یک شلیں کوشست کنگ ءَ انت، ھاسیں مردم آنی برجائی ءُ ایشانی معاشی وت مستری حکومت ءِ اولی ترجی انت، حکومت احساس پروگرام ءِ چیر دستی ءَ 20 لکھ ھاسیں مردم آناں مالی کمک پجاری کنت، کامیات ورنا پروگرام ءِ چیر دستی ءَ ھاسیں مردم آناں کاروبار ءِ واستہ وام پجاری کنگ بوھگ ءَ انت، حکومت کسانیں ءُ درنیامیں درجگ ءِ کاروبار ءِ واستہ ھاسیں مردم آناں وام ءِ پجاری کنگ ءَ انت بلے سرپد ی نہ بوھگ ءِ سبب ءَ اے وام آں چہ ھاسیں مردم آنی مزنیں کساس ءَ سیت مند نہ بوھگ ءَ انت، میڈیا ھاسیں مردم آنی گہبود ءِ واستہ کتگیں گامگیج آنی بابت ءَ سرپدی پیداک کنگ ءُ چاگرد ءَ ھاسیں مردم آنی بابت ءَ در جتگیں استیں وتی شوہاز ءَ کرد ءَ پیلو بکنت انت۔ اے ھیالانی درشانی آئی ءَ ایوان ءِ صدر ءَ ھاسیں مردم آناں ھاسیں وہیل چیئرز آنی بھر ءُ بانگی مراگش ءَ گشتانک دیگ ءِ موہ ءَ کت۔ مراگش ءَ 100 ھاسیں مردم آنی ھمک مردمی ضلورت ءِ رد ءَ تیار کتگیں ھاسیں وہیل چیئرز آنی بھر ءُ بانگ کنگ بوت۔ مراگش ءِ بنگیج آزربائیجان ءِ حیدر علی فائونڈیشن ءِ کمک ءَ چہ کنگ بوت۔
