اسلام آباد۔29دسمبر (اے پی پی):جمعیت علمائے اسلام ءِ دلگرانیں سروک آں گوشت کہ ما اچبر جے یو آئی (ف) ءِ بھر نہ بوتگ آں ءُ ناکہ ما مولانا فضل الرحمان ءِ گروپ ءِ بھر آں، مولانا فضل الرحمان ءَ جے یو آئی (ف) ءِ نام ءَ وتی گروپ جوڑ کتگ، ما مدام جمعیشت علامائے اسلام پاکستان ءِ کانود ءِ رد ءَ جے یو آئی پاکستان ءِ باسک آں ءُ دیمتر باسک باں۔ سئے شمبے ءَ ادا جمعیت علمائے اسلام ءِ دلگرانیں سروک مولانا محمد خان شیرانی، مالانا گل نصیب خان ءُ مالانا شجاع الملک ءِ پریس کانفرنس ءَ گوں گشتانک دیان ءَ جے یو آئی پاکستان ءَ را جے یو آئی (ف) ءَ چہ جتا کنگ ءِ جار ءَ جنان ءَ گوشت کہ ما اچبر جے یو آئی (ف) ءِ باسک نہ بوتگ آں۔ پریس کانفرنس ءَ گوں گشتانک دیان ءَ مولانا محمد خان شیرانی ءَ گوشت کہ مالانا فضل الرحمان ءَ جے یو آءی (ف) ءِ نام ءَ وتی گروپ جوڑ کتگ، مارا سیاست میراس ءِ رنگ ءَ رستگ بلے ما اچبر جمعیت علمائے اسلام (ف) ءُ مولانا فضل الرحمان ءِ گروپ ءِ بھر نہ بوتگ آں۔ ما مدام جے یو آئی پاکستان باسک آں ءُ مدام باسک باں۔ آءی ءَ گوشت کہ مئے باسک اچبر قرآن ءُ سنت ءِ ھلاپ ءَ گام چست نہ کناں۔ آئی ءَ گوشت کہ جمعیت علمائے اسلام (ف) ءَ ارچی بوھگ ءَ انت آ راستی ءُ ھک دلیءَ چہ زبھر انت۔ اللہ تعالیٰ ءِ گوشتن انت کہ دروگ بند آنی سر ءَ ھدا لعنت انت ءُ بنی کریم ﷺ درئیں دانک انت کہ دروگ مردم ءَ را دیم پہ تباھی ءِ کورچات ءَ تیلانک دنت، دروگ بند آنی سروکی ءَ مکن وھدیکہ دروگ بند ءِ بابت ءَ اللہ تعالیٰ ءِ گوشتن انت کہ دگرے مال ءَ پُشت ءُ کشوک اللہ پاک ءَ را نادوست انت۔ اگاں کجام یک دوست ءِ پھم ایت کہ ایشی توامیں کار کرد دروگ ءُ لچڈئی ءِ دیمپان انت گڈا آئی ءَ را لوٹ ایت کہ آ دروگ بند ءُ لچڈ آنی سروکی ءَ مکن انت۔ اے پیسلہ ایشاناں وت کنگی انت، اچ کس آوانی سر ءَ زور مکنت۔ آئی ءَ گوشت کہ ما جے یو آئی پاکستان ءِ توامیں باسک آناں سر سوج کناں کہ آ گل ءُ گلی ادارگ آنی گوما رابطہ آں ھلاس مہ کن انت، کسد ءُ کینگ ءُ کُنّت ءَ چہ کار مہ گر انت، توامیں مردم اللہ پاک ءِ ھک ءُ دلیں بندگ جوڑ بہ بنت ءُ راستی ءِ ریشگ ءَ گوں بندوک بہ بنت ءُ مئے بنی کریم ﷺ ءِ پنت ءُ شون ھم ھمیش انت۔ مئے ھلاپ کنوک مارا ارچی بُگش انت ما ایشرا سگ ءُ اوپار کشی ءِ گوما دیم پہ دیمی کناں بلے ما دل رنج بوھان ءَ وتی فرض آنی پیلو کنگ ءَ پُشت کنز نہ باں۔ آئی ءَ گوشت کہ ما ایراد ءَ را سگ ءُ اوپار کشی ءِ گوما لچڈ آناں ایوک کناں۔ آئی ءَ گوشت کہ اللہ تعالیٰ ءُ بنی کریم ءِ فرمان انت کہ راستی ءِ ھمبراھی داری ءَ بکن ات، دروگ اچ مہ بند ات چیا کہ دروگ باز ھاک ءُ ھاک شانی کنت۔ آئی ءَ گوشت کہ راستی ءِ چیر دیوک آنی واستہ راست گو ءُ دروگ بُروک آناں ھوار مکن ات، ھمے رنگ ءَ راستی مردم آنی چماں گستا بیت۔ آئی ءَ گوشت کہ ما پیسلہ کتگ کہ ھک راستی ءَ را بیان کنگ بہ بیت تانکہ اچ رنگیں نہ شیں جاور پیداک مہ بیت۔
