اسلام آباد۔ 29 دسمبر (اے پی پی) صدر مملکت ڈاکٹر عارف علوی پارینے کہ قومی کمیشن انسانی شونداری ملک اٹی جہانی پرائمری تعلیم نا مون آ دننگ کن کاریم کے۔ و اسکول آتیان پیشن چناتیکن رسمی و غیر رسمی تعلیم آ چکار کے۔ صدر مملکت ڈاکٹر عارف علوی ءِ قومی کمیشن انسانی شونداری نا چیئرمین ڈاکٹر امیر اللہ مروت سالانہ کارکڑد رپورٹ ءِ پیش کرے۔ چیئرمین قومی کمیشن انسانی شونداری صدر ءِ انسانی شونداری و پرائمری تعلیم نا مون آ دننگ اٹ کمیشن نا آخبت نا ڈٹ و کڑد آ حوال تس۔ حوال اٹی پاننگاکہ کمیشن اسلام آباد، آزاد جموں و کشمیر، گلگت بلتستان و مسکوہی فاٹا ٹی 100 مدرسہ غاتیٹی بنائی تعلیم درستی راستی کرفینے۔ خواندگی و راجی شونداری ٹی 189،000خواندگی استاد/سپروائزر ءِ تربیت تننگانے، پاکستان نا مر مرانگا علاقہ غاتیٹی 15،000استاد آتون 10،937فیڈراسکول جوڑ کننگا، صدر نیزگاری نا چٹفنگ و استاد/سپروائزرآتا کاریم نا کچ اٹ ودکی کن کمیشن نا کوشست آتا ستاءِ کرے۔
