اسلام آباد۔ 29 دسمبر (اے پی پی) بنجائی وزیر مذہبی امور پیر نورالحق قادری تون سے شنبے نادے آ پاکستان اٹ اوغانستان نا سفیر نجیب اللہ علی خیل اوڑدہی کرے ہراٹی ہڑتوم آ راہشونک تین پہ تینی تعلقداری و ہڑتوم آ کنڈآتا امور آ سرجم گپ وتران کریر۔ پیر نورالحق قادری گپ وتران کرسا پارے کہ پاکستان و اوغانستان مذہبی، دودوربیدہ ئی و راجی قدر اٹ گنڈوک ءُ۔ ایلم اسلامی ملک انا شونداری و پوسکن تفنگ اٹ پاکستان ہروڑکمکاری ءِ برجاتخک۔ اوغانستان نا امن مچ آ ڈیہہ نا پائیدار شونداری وشونہالی نا ضمانت ءِ۔ اوغان سفیر پارے کہ پاکستان اوغانستان نا ہر سخت انگا وخت اٹ بھلا ایلم نا کڑدءِ ادا کرینے۔ بھلو وخت اسسکان اوغان باہوٹ آتا مہمانداری ءِ کرسا پاکستان اسہ درور اس قائم کرینے۔ طورخم بارڈر آ الس وپوریا گر تیکن ودکی آسراتی تا بناءِ کننگ آ حکومت پاکستان نا منت واراُن۔ ہڑتوم آ راہشونک پاک اوغان الس و پوریا گر برادری نا ویل آتے اولیتی بنداو آ ایسر کننگ نا عزم انا درشانی ءِ کرے۔
