اسلام آباد۔ 29 دسمبر (اے پی پی) بنجائی وزیر ریلوائی اعظم خان سواتی تون ازبکستان نا ڈل سے شنبے نادے آ اوڑدہی کرے۔ ڈل انا کماشی ءِ ازبک وزیر ٹرانسپورٹ ایلکام ماکامووکرے۔ اوڑدہی ٹی ہڑتوم آ کنڈآتا تعلقداری، کارگوٹرین سروس تون اوار ایلو باندات آ گپ وتران کننگا۔ دا اوڑدہی ٹرانز اوغان ریل پروجیکٹ نا چرجوئی ٹی کننگانے ہرانا رداٹ پاکستان و ازبکستان ءِ اوغانستان نا کمک اٹ ریل لنک اتون ملفنگک۔ اوکان پد ایلو نیامی ایشیائی ملک آک ہم داٹی اوار مننگ کیرہ۔ دا پروجیکٹ نا کمک اٹ پاکستان، اوغانستان و ازبکستان نا نیام اٹ کارگو سروس نا بناءِ کننگ مریک۔ اینو وزیراعظم پاکستان عمران خان ٹرانز اوغان ریل لنک اکن ورلڈ بینک انا پن سہ ملکی اسیجااپیل آ دستخط ہم کیک۔ یات سلے کہ دا سہ ملکی مشترکہ اپیل آ مہالو آن صدر اوغانستان و صدر ازبکستان دستخط کرینو۔ وزیر ریلوائی اعظم خان سواتی پارے کہ مسہ ملک آتا کنڈآن 4.8 ارب ڈالر نا زرکاری نا اپیل ورلڈ بینک ءِ کننگک ہراکہ مہالو آن دا اپیل نا بابت آن بورڈ ءِ، دا ریلوائی لنک ہر مسٹ آ ملک آتا زرگزرانی شونداری ٹی اہم کڑد ادا کیک۔ مشترکہ اپیل نا رداٹ دوئی مروک آ سرمایہ غان 573 کلومیٹر مریس ریلوائی لنک اس تالان کننگک، دا ٹریک آ 27 اسٹیشن، 912 جتا النوع تعمیرات و 7 ٹنل مریک۔ گونڈ انگا زرگزرانی ٹریک پشاور آن کابل و کابل آن مزار شریف نا کمک اٹ ازبکستان تون کاہک ملک۔ڈیہہ نا زرگزران ءِ جوائنٹ وینچر نا کمک اٹ سوگو کیک۔
