اسلام آباد۔ 29 دسمبر (اے پی پی) نیشنل کمانڈ اینڈ آپریشن سینٹر(این سی او سی) قومی ویکسین حکمت عملی و ویکسین نا زوت فراوانی ءِ پک کننگ کن کروک آ کوشست آتا جاچ ءِ ہلک۔ سے شنبے نادے آ این سی او سی نا دیوان اٹی دینی مرض انا حساب وکتاب، قومی ویکسین حکمت عملی و ویکسین انتظامیہ نابابت چندی باندات آتا جاچ ءِ ہلنگا۔ فورم ءِ کوویڈ ویکسین نا وخت آ دستیابی کن جہانی ویکسین ساز آتون گپ وتران نا بارواٹی پاننگا۔ فورم ءِ ویکسین انتظامیہ و عملہ نا تربیت نا بارواٹی ہم پاننگا وخت اس کہ ای پی آئی پروگرام نا نمائندہ غاتے ہم پارت کننگاکہ او پروگرام اٹ بنداوی کہول اسکان رسینگ کن سٹرکٹ و تحصیل کہول آ فوکل پوائنٹ متعین کے۔ فورم نوٹ کرے کہ پروگرام نا مثبت و گچین بھرم تیکن عملہ نا تربیت ءِ مون آ دننگے۔جان جوڑی نا چاہندار آک کوویڈ۔ 19 مثبت و ہلوک آ دین انا سوب آن مرک آتاودوک آ کچ ءِ مون آتخا۔ فورم طے کرے کہ دینی ناجوڑی نا تالان مننگ نا خطرہ ءِ کم کننگ کن غیر دواسازی مداخلت(طبی درمان آن بیدس دین انا درمان نا گیگ بدل گام گیج) یا این پی آئی نا نفاذ ءِ ہر کہول آ بایدے پک کننگے۔
