اقوام متحدہ۔ 29 دسمبر (اے پی پی) اقوام متحدہ نا سیکرٹری جنرل انتونیوگوتریش بلوچستان اٹی فرنٹیئر کور(ایف سی) نا چیک پوسٹ آ دہشت گرد آتا جلہو نا ترندی اٹ مذمت ءِ کرسا پاکستان حکومت تون یکجہتی نا درشانی ءِ کرینے۔ میڈیا حوال آتا رداٹ بلوچستان نا ضلع ہرنائی نا تحصیل شاہرگ اٹ ہفتہ نادے آ ایف سی نا چیک پوسٹ آ مروک آ دہشت گرد آتا جلہو اٹی 7 ایف سی کارندہ شہید مسوسر۔ اقوام متحدہ نا سیکرٹری جنرل انتونیوگوتریش نا نائب ترجمان فرحان عزیز حق اے پی پی ءِ ای میل کروک آ اسہ بیان اسے ٹی پارے کہ سیکرٹری جنرل جلہو اٹ زہمی بندغ آتا خاہوت تون ہڑزخواہی و ٹھپی مروک آتا زوت دراخ جوڑی کن نیک است خواہی نا درشانی ءِ کرے۔ بیان اٹی پاننگاکہ سیکرٹری جنرل سیکرٹری باوری کرفے کہ اقوام متحدہ دہشت گردی و پرتشدد انتہاپسندی نا برخلاف جنگ اٹ حکومت پاکستان تون تفوک ءِ۔
