اسلام آباد۔28دسمبر (اے پی پی): مزن وزیر عمران خان ءَ سی پیک ایم ایل ون منصوبگ ءَ را پاک – چین دوستی ءِ جوانیں درور نامینان ءَ گوشت کہ اے منصوبگ ءَ چہ ملک ءَ میاں اوستمانی کد ءُ بالاد ءِ نوکیں زمانگ ءِ رد ءَ کوکا تیار کنگ بیت، ایم ایل ون منصوبگ ءَ چہ ملک ءِ صنعتی شوبگ دیمروئی کنت ءُ روزگار ءِ موہ پیداک بنت۔ اے ھیالانی درشانی آئی ءَ دو شمبے ءَ سی پیک ءِ چیر دستیءَ ایم ایل ون منصوبگ ءِ ھوالگ ءَ چار ءُ تپاسی دیوان ءِ سروکی ءَ کنان ءَ کت۔ دیوان ءَ بنجاھی وزیر ریلوے اعظم خان سواتی، ڈپٹی چیئرمین منصوبگ بندی کمیشن، چیئرمین سی پیک اتھارٹی لیفٹیننٹ جنرل (ر) عاصم سلیم باجوہ، سیکرٹریز ریلوے، اقتصادی کار ، ھزانگ ، منصوبگ بندی ڈویژن ءُ کلانہ ایں اپسرگ آں بھر زوری کت۔ دیوان ءَ مزن وزیر ءَ را ایم ایل ون منصوبگ ءِ سر ءَ سرجمیں دیمروئی ءِ ھوالگ ءَ بریفنگ دیگ بوت۔ مزن وزیر ءَ منصوبگ ءِ سر ءَ انوگ ءَ تاں دیمروئی کار آنی سر ءَ دل یکیمی ءِ درشان کت۔ مزن وزیر ءَ گوشت کہ اے منصوبگ ءِ سر ءَ پاکستانی دکہ آنی زمینی رابطہ مھم بوھگ ءَ چہ پاکستان ءِ بر آمدی چیز وھد ءُ موہ ءِ سر ءَ میاں اوستمانی منڈی آں تاں سر بوت کناں ایشی ءَ چہ مزنیں کساس ءَ زر در جنگ بوت کنت۔ مزن وزیر ءَ گوشت کہ سی پیک منصوبگ ءَ چہ ایم ایل ون درستاں چہ گیشتریں ھرچ ءُ درچ بوھوکیں منصوبگ انت ایشی ءَ چہ پاک چین یکوئی آنی تہ ءَ یک نوکیں در ے ءِ گیشی بیت۔ بنجاھی وزیر ریلوے ءَ مزن وزیر ءَ را پاکستان ریلوے ءِ نیمگ ءَ چہ ایم ایل ون منصوبگ ءِ انٹیگریشن پلان ءِ ھوالگ ءَ سرپد کت۔
