زیکیں پی ڈی ایم ءِ مچی پیپلز پارٹی ءِ واستہ شرم ءُ ن لیگ ءِ واستہ  کُکّورو ٹرت ءِ وھد انت، چوہدری فواد حسین

اسلام آباد۔28دسمبر (اے پی پی): بنجاھی وزیر سائنس ءُ ٹیکنالوجی چوہدری فواد حسین ءَ گوشت کہ زیک  پی ڈی ایم  ءِ مچی پیپلز پارٹی ءِ رواستہ کُکّورو ٹرت ءِ وھد انت۔ (ن) لیگ ءُ پیپلز پارٹی ءِ واستہ  شاہزانتیں مردم آنی  گوما ٹوک کنگ ءَ تیار آں۔ اپوزیشن ءَ را سول ءُ تران ءِ واستہ ایجنڈا ءُ آیوکیں کاررپک ھم داتگ۔ بھٹو ءِ  پاھو دیگ ءِ وھد ءَ  دپ  شیرکنی کنگ ءُ شات ءُ گل بوھوکیں ھاندان آنی تہ ءَ  شریف ھاندان درستاں چہ برزتری لڑ ءَ ھوار ات۔ پی ڈی ایم گل استپا دیگ ءَ  ھک ءُ دل نہ انت۔  وت گڈیں راج دوستیں لیڈر پی ڈی ایم ءِ پلیٹ فارم ءِ سر ءَ لاہور ءَ پنجاپی ءُ  ایندگر شہیر آنی تہ ءَ پاک اُرد  ءُ کانودی ادارگ آناں  نشانگ  بند انت۔  دو شمبے ءَ بنجاھی وزیر شبلی فراز ءُ فیصل  ووڈا ءِ ھمبراھی ءَ پریس کانفرنس ءَ گوں گشتانک دیان ءَ کت چوہدری فواد حسین ءَ گوشت  کہ  مریم  ءَ اچبر چُل ءِ زمہ واری نہ زرتگ ءُ بلاول ءَ اچ بر کار نہ کتگ، دوئیں وتی وتی  سی وی آناں  مزن وزیر جوڑ بوھگ ءِ واستہ  جم کنائینگ ءَ انت۔   آئی ءِ گوشت کہ پی ڈی ایم ءِ مچی پیپلز پارٹی ءِ واستہ شرم ءُ ن لیگ ءِ واستہ کُکّورو ٹرت ءِ وھد انت۔