اسلام آباد۔28دسمبر (اے پی پی):صدر مملکت ڈاکٹر عارف علوی ءَ گوشت کہ ھاسیں مردم آنی ھک ءُ ایشانی بابت ءَ چاگرد ءِ استیں نیگیٹیو رویہ آناں دور کنگ ءِ واستہ میڈیا ءِ کرد سک باز ارزشتی انت، حکومت ھاسیں مردم آناں چاگرد ءِ برجائیں باسک جوڑ کنگ ءِ ھمک رنگیں گامگیج کنگ ءَ انت، ھاسیں مردم آناں پرائمری ءَ بگر تاں یونیورسٹی ءِ تک ءَ مپت ءَ زانشت ءِ پجارینگ ءِ واستہ گامگیج کنگ ءَ انت، حکومت 26 ہزار ءَ چہ گیش مردم آناں جان سلامتی آسراتی کارٹ بھر ءُ بانگ کتگ، احساس پروگرام ءِ چیر دستی ءَ 20 لکھ ھاسیں مردم آناں کمک دیگ بیت۔ حکومت ءَ بیلٹ اینڈ روڈ منصوبگ ءِ چیر دستی ءَ چین ءِ گوما پاکستان ءَ ھاسیں ٹیکنالوجی برائے ھاسیں مردم آنی دیمروئی ءُ تیاری ءِ واستہ یاتگیری دست چنگل جتگ انت۔ اے ھیالانی درشانی آئیءَ ایوان ءِ صدر ءَ مردم آنی ابنارملٹیءِ ھوالگ ءَ کلانہ ایں اھوالکار آنی گوام پگری گند ءُ نند کت۔ صدر عارف علوی ءَ گوشت کہ ھاسیں مردم آنی گوما راستیں ھساب ءُ داد ءِ کمی انت۔ اے ھوالگ ءَ احساس پروگرام ءِ چیر دستی ءَ کتگیں سروے جون 2021 ءَ سرجم کنگ بیت۔ مردم شماری ءَ ایوک ءَ 2 درسد مردم ھاسیں مردم آنی رد ءَ ھساب کنگ بوتگ بلے ھاسیں مردم پاکستان ءِ آباتی ءِ کساس 15 درسد انت ءُ ایشانی واستہ آسراتی ءِ تہءَ کمی گندگ بیت۔ آئی ءَ گوشت کہ ابنارملیں مردم آنی کساس سک باز کم انت، ایشاناں نادراھ ءِ گوما رجسٹریشن ءِ تہءَ مشکل آنی گوما دیم پہ دیمی کنگ کپ ایت۔ اے کار ءَ را ساپ ءُ آسان جوڑ کنگ ءِ ضلورت انت۔ صدر ءِ مملکت ءَ میڈیا ءِ سر ءَ زور پر دات کہ آ مردم آناں زانت ءُ سرپدی پیداک بکن انت کہ ھاسیں مردم آنی ابنارملی گندگ نہ بیت بازیں انچیں مردم نارمل گندگ بنت آ ھم ابنارملی ءِ آماچ بنت۔ اسٹیٹ بینک ءَ ھاسیں مردم آنی واستہ ھاسیں اسکیم توسیپ کنائینتگ انت بلے ایشانی ھوالگ ءَ سرپدی ءِ کمی انت۔ کراچی ءِکاروباری برات ءَ مارا ھاسیں مردم آناں مزدگر دیگ ءِ دل یکیمی کنائینتگ۔ ھاسیں مردم آناں ایشانی ازمکاری ءِ رد ءَ مزوری دیگ بہ بیت ءُ ایشاناں مارکیٹ ءِ ضلورت ءِ رد ءَ وانگ ءُ زانگ ءُ ھیل کاری دیگ ءِ ضلورت انت۔
