اوگانستان- پاکستان ٹرانزٹ ٹریڈ ایگزیمنٹ ءُ دو نیمگی ترجی داتگیں تجارتی منوگری آنی سر ءَ سئے روچی سول ءُ تران بندات بوت انت 

اسلام آباد۔28دسمبر  (اے پی پی): اوگانستان- پاکستان ٹرانزٹ ٹریڈ ایگریمنٹ (اے پی ٹی ٹی اے) ءُ دو نیمگی ترجی داتگیں تجارتی منوگری (پی ٹی اے ) ءِ سر ءَ سئے روچی سول ءُ تران اسلام آباد ءَ بندات بوتگ۔ دو شمبے ءَ پاکستان اوگانستان ٹرانزٹ ٹریڈ کوآرڈینیشن اتھارٹی ءِ دیوان برجم دارگ بوت ایشی ءِ سروکی یکجائی رنگ ءَ مشیر تجارت عبدالرزاق دائود  ءُ  اوگان وزیر   صنعت  ءُ تجارت نثار احمد فیضی غوریانی  ءَ کت ۔ پاک۔اوگان ٹرانزٹ ٹریڈ کوآپریشن  اتھارٹی دیوان ءِ بنگیجی سیشن ءَ مشیر تجارت عبدالرزاق دائود ءَ گوں گشتانک دیان ءَ  گوشت کہ ما اوگانستان ءِ گوما ھمک رنگیں رابطہ کاری لوٹاں ، ما لوٹاں یک ءِ دومیگ ءِ گڈز ءپ گاڑی آناں سرجمیں رنگ ءَ  رسائی  بدیاں ءُ اوگانستان ءِ کشک ءَ چہ سنٹرل ایشیا ءَ تاں رسائی بہ بیت۔ آئیءَ گوشت کہ مرچی سئے شمبے ءِ روچ ءَ ازبکستان ءِ وزیر ٹرانسپورٹ ھم پیداک انت۔ آئی ءَ گوشت کہ  ریجنل   کونیکٹیویٹی ءِ واستہ پازیٹیو گامگیج کنگ بوھگ ءَ انت۔  آئی ءَ گوشت کہ مئے تجارت ءِ تہءَ کمی اتکگ بلے گوستگیں دو ماہ ءَ چہ ایشی ءِ تہ ءَ دوارگ برجائی بوھگ ءَ انت۔ اوگان وزیر تجارت نثار احمد ءَ وتی  بنگیجی گشتانک ءَ گوشت کہ ٹرانزٹ ٹریڈ اتھارٹی دیوان ءِ بنگیج ءَ چہ پاکستان ءِ شگر ءُ منت وار آں۔ اشرف غنی پھم ایت کہ پاکستانی سرمایہ کار اوگانستان  ءَ سرمایہ کاری  بکن انت، ما ورلڈ ٹریڈ آرگنائزیشن ءِ رد ءَ  چلئگ لوٹاں، ما زربارئی ایشیائی مارکیٹ ءَ تاں پاکستان ءِ کشک ءَ رسائی لوٹاں۔ آئی ءَ گوشت کہ ما دوئیں ملک آنی گہتریں آیوکیں باندات ءِ واستہ  استیں موہ آں چہ سیت چست کنگ لوٹاں، بازیں جیڈھ آنی  گیواری  المی انت، مار دیم ءَ جنزگ  ءِ واستہ  اے جیڈھ آنی گیواری کنگ لوٹ ایت۔  آئی ءَ گوشت  کہ اوگانستان ءُ پاکستان آیوکیں  باندات ءَ زوت دو نیمگی تجارتی منوگری آناں پکوئیں  رنگ دینت۔  اوگان وزیر ءَ گوشت کہ مزن وزیر پاکستان ءِ شگر ءُ منت وار آں  کہ آئی ءِ سروکی ءَ بازیں جیڈھ آناں گیواری کتگ آں،  پاکستان ءُ اوگانستان  ءِ کرا تجارت  ءِ  اندر ءَ گہتری ءِ گنجاشک است انت۔ امیت انت کہ یکجائی اقتصادی کمک ءُ اقتصادی دیمروئی ءِ وژن ءِ واستہ کار  کنگ بوتگ۔