اسلام آباد۔ 28 دسمبر (اے پی پی) وزیراعظم عمران خان تون سلاہکار پارلیمانی امور ظہیر الدین بابر اعوان دوشنبے نادے آ داڑے اوڑدہی کرے ہراٹی آئینی، کانودی و سیاسی باندات آ گپ وتران کننگا۔ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم جمہوریت نا سوگوی کن ادارہ غاتا سوگو مننگ ءِ اہم گوندسا پارے کہ ادارہ غاتیا تینا سیاست ءِ چمکائفنگ کن ہورہرفوک آک اسہ وڑاسے ٹی ہم جمہوریت نا علمبردار مننگ کپسہ۔ ریاست نا غٹ تمبہ غاک تینا دنگ اٹ سلسا ملکی شونداری کن کاریم کننگ ءُ۔ بابر اعوان زرگزرانی سوگوی و کورونا غان بچفنگ نا حکومتی پالیسی تے حکومت نا اہم سرسہبی گوندسا پارے کہ داسہ پاکستان اٹی اوفتا ہچ ءُ آخبت اس اف۔
