اسلام آباد۔ 27 دسمبر (اے پی پی) بنجائی وزیر حوالکاری و شینکاری سینیٹر شبلی فراز نیشنل ڈائیلاگ کن پارلیمنٹ ءِ جوان انگا پلیٹ فارم گوندسا پارینے کہ پارلیمنٹ اٹ ساڑی اپوزیشن جماعت آتا زموار و سنجیدہ سرکڑدہ غاتون ہیت وگپ اکن تیار اُن، ہیت و گپ اٹ امنائی سلاہ مریک۔ الیکٹوریل ریفارمز تون اوار ہر ایشو آ ہیت وگپ مننگ کیک۔ مولانا فضل الرحمان و مریم نواز تو پارلیمان نا بشخ ہی افس او تو ایہن ہم پیشن سمجھر، شیرانی، حافظ حسین احمد و ایلوفک مولانا فضل الرحمان ءِ سلیکٹڈ پاریر و ایلو صفت آتے ہم بیان کریر۔ او تینا پارٹی نا تہہ ٹی مرسا تشخص ءِ تالان کننگ ءُ۔ او دوشنبے ادے آ بنجائی وزیر چوہدری فواد حسین و فیصل واوڈا تون اوار پی آئی ڈی ٹی پریس کانفرنس آن تران کریکہ۔ بنجائی وزیر حوالکاری و شینکاری سینیٹر شبلی فراز پارے کہ نیشنل ڈائیلاگ، نن ہندا پانہ کہ ہراتم کہ ہیت اس مریک غٹ آن جوان پلیٹ فارم پارلیمنٹ ءِ انتئے کہ السی نمائندہ غاتا اصل فورم پارلیمنٹ ءِ۔ اوپارے کہ زموار و سنجیدہ مخلوق تون ہیت مریک، اومیت ءِ کہ سیر حاصل گپ و تران آن پد اتفاق رائے مریک۔ اوپارے کہ اپوزیشن عجیب کشمکش نا گواچی ءِ ہراڑے گیچن کاری تے کٹک ہمو گچین کاریک جوان و ہراڑے باایتک ہموڑے گچین کاری تیٹی دھاندلی نا شئیر ءِ خلنگ ءُ۔ بنجائی وزیر حوالکاری پارے کہ اپوزیشن نا جلسہ ٹی بلوچستان نا شہید آتا بابت ہچ ءُ ذکر اس کننگتو، جلسہ ٹی قومی ادارہ غاتیا تنقید کننگا، اپوزیشن نا مسخت ملک اٹ ہڑدڑ ودی کننگ ءِ۔ اوپارے کہ بے نظیر بھٹو نا مزار آ اونا دشمن تے تولفنگا۔
