اسلام آباد۔ 28 دسمبر (اے پی پی) وزیر خارجہ مخدوم شاہ محمود قریشی پارینے کہ بھارتی کوزہ گیر فوج پدریسہ جبر و استبداد اٹ مقبوضہ جموں و کشمیر نا کودک باسی تیٹی خوف تالان کننگ ءِ۔ دوشنبے نادے آ تینا اسہ بیان اسے ٹی وزیر خارجہ پارے کہ کودک کشمیری ورناتے جعلی مقابلہ غاتیٹی ریاستی دہشت گردی نا شست کننگ انگ ءِ۔ اوپارے کہ دنیا نا خن تیٹی دھول شاغنگ کن دا مقتولین تے دہشت گرد کرسا پیش کننگک اوفتیا دروغ انا مقدمہ درج کننگک، ولے داسہ دنیا بھارتی عزم ءِ پہہ مسنے و مقبوضہ دامان اٹ بھارت نا گرفت پدریسہ نزور مرسا ہِننگ ءِ۔
