لاہور۔11 مارچ(اے پی پی ) بُنجاھی وزیر دیمپانی پیداوارءُُ سا ئنس اینڈ ٹیکنالوجی رانا تنویر حسین ءَ گوشت کہ عمران خان ءُُ آئی ءِ ھمبراھ دماگی نادُراھ اَنت، آئی وتی ناکامی آں چہ سبک زورگ ءِ مٹ ءَ بر ءِ اُلس ءُُ بر ءِ اسمبلی ءِ باسک آناں جنگ ءُُ چوپ ءَ پہ ٹوک دینت۔ پارلیمنٹ ءَ ھم پی ٹی آئی ءَ ھرچی کہ کتگ ایش آوانی رھشونی ءِ آدینک ءَ پیش دار اَنت۔ آئین ءُُ کانود ءُُ پارلیمنٹ ءِ بُرز ءُُ بالائی ءِ سر ءَ اِچبر نرمی کنگ نہ بیت۔ عمران خان ءِ اے ترز لائک ءِ مذمت اِنت۔ مئے اسمبلی ءِ باسک ءَ را مُک جنگ ءَ را جائز گوشگ سک باز اپسوزی اِنت۔ ناشرکاری ءِ ھلاپ ءَ جنگ ءَ باج برگ ءَ آں۔ اِچ توکی ءُُ ڈنی دژمن آنی سازش آناں کامیات بوھگ نیل آں، ناشرکار آنی ھلاپ ءَ ڈگار تنگ کنگ بوتگ، ایشاناں درچنگ ءُُ جنگ بیت۔ آپریشن رد الفساد مکامیاتی ءَ گوں جاڑی اِنت، گڈی ناشرکار ءِ ھلاسی ءَ تاں آرامیں دل ءَ نہ نندآں۔
