اسلام آباد۔ 28 دسمبر (اے پی پی) چیئرمین سینیٹ محمد صادق سنجرانی نا سلہ غا افریقی یونین نا قائم مقام چیئرمین و جبوتی نیشنل پارلیمنٹ نا صدر محمد علی حاومید تینا 12 باسکی ڈل اتون اوار (اینو) سے شنبے نادے آ پاکستان آ سرمریک۔ سینیٹ سیکرٹریٹ نا رداٹ ڈل اٹی پارلیمنٹ نا باسک آتیان بیدس جبوتی نا نیول چیف ہم اوار ءِ۔ ڈل اہم اوڑدہی تیان بیدس پاکستان نا چندی علاقہ غاتا دورہ ءِ ہم کیک۔ ڈل انا چیئرمین سینیٹ، صدر پاکستان، وزیراعظم پاکستان، وزیر خارجہ، اسپیکر قومی اسمبلی اسد قیصر و آرمی چیف، آزاد جموں و کشمیر نا صدر و نیوی نا چیف اتون اہم اوڑدہی شیڈول نا بشخ ءِ۔ چیئرمین سینیٹ صادق سنجرانی پارے کہ پاکستان و افریقی ملک آتا پارلیمان تا نیام اٹ تعلقداری تے سوگو کننگ کن دا دورہ بھاز اہیت تخک۔ اوپارے کہ پاکستان افریقی ملک آتون پارلیمانی تعلقداری تے بھاز اہمیت ایتک، پارلیمانی رابطہ غاتا کمک اٹ واپاری تعلقداری تے سوگو کننگ اٹ کمک رسینگک۔
