اقوام متحدہ۔ 28 دسمبر (اے پی پی) اقوام متحدہ نا جنرل اسمبلی نا صدروولکن بوزکیر بلوچستان اٹی فرنٹیئر کور (ایف سی) نا چیک پوسٹ آ دہشت گرد آتا جلہو نا ترندی اٹ مذمت ءِ کرسا پاکستانی حکومت و الس تون است ہسونی نا درشانی ءِ کرینے۔ اوتدوک آ دے تینا ٹویٹ اٹی ہفتہ نادے بلوچستان نا ضلع ہرنائی نا تحصیل شاہرگ اٹی ایف سی نا چیک پوسٹ آ مروک آ دہشت گرد جلہو اٹی سیکورٹی کارندہ غاتا شہیدی آ پاکستانی الس و حکومت تون ہڑزخواہی نا درشانی ءِ کرے۔ جلہو اٹی 7 ایف سی کارندہ شہید مسر۔ اقوام متحدہ نا جنرل اسمبلی نا صدر نا ہڑزخواہی کلہو آ پاکستان نا سفیر منیر اکرم اونا منت واری ءِ ہرفسا پارے کہ دہشت گردی نا برخلاف جنگ اٹ انسانی جان تا زیان و زرگزرانی نسخان نا حالیت اٹ بھلو قیمت اس تننگ آن پد ہم پاکستان دہشت گردی نا چٹفنگ کن ثابت قدم ءِ۔
