اسلام آباد۔ 28 دسمبر (اے پی پی) ایشیائی شونداری بینک پارینے کہ واٹر سپلائی و سینی ٹیشن کن پاکستان ءِ سالانہ 6 ارب ڈالر نا زرکاری نا گرج ءِ۔ پاکستان نا واٹر سپلائی و نکاسی آب انا گرج آتیکن زرکاری نا بابت اے ڈی بی تینا رپورٹ ’’ایشین واٹر ڈویلپمنٹ آؤٹ لک 2020‘‘ نا رداٹ پاکستان ءِ دا بنداوی گرج آتا فراوانی کن جی ڈی پی نا 2.3 درسد نا بریبر سالانہ زرکاری نا گرج ءِ۔ جہانی ادارہ پارے کہ پاکستان اٹ فراوانی و نکاسی آب انا رکھ و جان جوڑ گرج آتا فراوانی کن سالانہ 6 ارب ڈالر نا زرکاری نا گرج ءِ۔ رپورٹ نا رداٹ ایشیا و بحرالکاہل نا ملک آتیٹی فراوانی و نکاسی آب اکن سالانہ 198 ارب ڈالر نا زرکاری درکار ءِ، ہراٹی کیپٹل، مینٹی نینس و آپریشنل خڑچ آک پین پین اوار ءُ، اوڑے جہانی بینک ہم جہانی برادری و خاص کر ایشیا و بحرالکاہل نا ملک آتیا زور شاغانے کہ پائیدار شونداری نا 6.1 و 6.2 ہدف آتا دوئی کننگ کن مربوط کوشست کیر۔ رپورٹ نا رداٹ دیر انا فراوانی و نکاسی کن چین اٹ سالانہ 60 ارب ڈالر وخت اس کہ بھارت اٹ 22 ارب ڈالر نا زرکاری درکار ءِ۔
