اسلام آباد۔ 28 دسمبر (اے پی پی) سعودی عرب نا کنڈآن سفری پابندی تیٹی نرمی آن پد پی آئی اےدوشنبے نادے آن سعودی عرب اٹ اختہ پاکستانی تا پدی اتنگ کن فلائٹ آپریشن نا بناءِ کرے۔ پی آئی اے نا ترجمان نا کنڈآن جاری اعلامیہ نا رداٹ پی آئی اے چیف ایگزیکٹیو آفیسر ایئرمارشل ارشد ملک نا پارت آ فلائٹ آپریشن نابناءِ کرینےہرانا رداٹ بیرہ اسہ کنڈی موکل نامہ غان پد ہم پی آئی اے غیر انا دیار اٹ اختہ پاکستانی تیکن جہاز آتے چلیفک۔ کورونا نا سوب سعودی حکومت بیرہ اسہ کنڈی آپریشن نا موکل تسنے۔ پی آئی اے آ اسہ کنڈی آپریشن نا سوب مالی بھاریم تمک ولے ہم وطن آتا پدی اتنگ ہم المی ءِ۔ ترجمان پارے کہ سی ای او ایئر مارشل ارشد ملک نا خصوصی پارت آ دوشنبے آن پی آئی اے آپریشن نا بناءِ کرینے۔ پی آئی اے پاکستان آن سعودی عرب کارگو آن پُرمریک۔ پی آئی اے غٹ تعلقدار محکمہ غاتے پارت جاری کرینے کہ پرکشش و جوان کارگونرخ تخنگے۔ پی آئی اے مدام روایت مسنے کہ مشکل وخت اٹ مدام گام مونی ہرفک۔ غیر انا دیار اٹ اختہ پاکستانی تے پدی اتنگ اسہ قومی ءُ زمواری اسے۔
