اقوام متحدہ۔ 28 دسمبر (اے پی پی) اقوام متحدہ نا ماحولیاتی پروگرام بیجنگ اٹی ’’جہانی ماحولیات آؤٹ لک 6‘‘ انا چینی ورژن ءِ باضابطہ وڑاٹ جاری کرے، ہراٹی ’ڈغار نا صحت، انسانی جان جوڑی آ چکار کننگانے۔ رپورٹ آن جہانی ماحول ءِ مون تروک سنگین ویل آتا معلوم مریک۔ رپورٹ اٹی ملک آتیان پیدوار و کھپت نا بے دراخ جوڑ وڑءِ پورو وڑاٹ ترک کننگ و جہانی کمکاری ٹی فعال وڑاٹ بشخ ہلنگ ناخواست کننگانے۔ دا رپورٹ اٹ پیدواری کننگانے کہ چینی حکومت، کاروباری ادارہ و راجی قوت آتا نیام اٹ کمکاری نا وڑوڈول پائیدار شونداری کن اسہ گچین ءُ درور اس فراوان کیک۔ کبوکی چین نا ہفت می بھلا کرک ءِ مہالو دانا ماحول بھاز نزور ئس و مخلوق نیزگار ئسر۔ تدوک آ سی سال اٹی ہندی حکومت ہندی کاروباری ادارہ و ہندی مخلوق تون اواری اٹ کرک نا مون ءِ توننگ و ماحولیاتی صنعت نا شونداری ءِ مون آ دننگ کن پبی کوشست کرے۔ ہراڑآن ہندی مخلوق نا زند انا حالیت اٹ ہم گچینی بس۔ ہنداوڑ متوازن شونداری کن اسہ کبوکی ماڈل اس جوڑ کننگانے۔ داسہ کبوکی ٹی ماحولیاتی چاگڑد ءِ گچین کننگانے و ہندی مخلوق ءِ نیزگاری آن کشنگانے۔
