اسلام آباد۔28دسمبر (اے پی پی): مزن وز عمران خان ءَ گوں سر وزیر گلگت بلتستان خورشید خالد ءَ دو شمبے ءَ ادا گند ءُ نند کت۔ گند ءُ نند ءَ گلگت بلتستان ءَ سیل ءُ سواد ءِ دیمروئی، اے صنعت ءَ ھندی مردم آنی واستہ گیشاں چہ گیش روزگاار ءِ موہ ءِ پجاری، ایٹماسپئیر دوستیں سیل ءُ سواد ءِ سر ءَ ھاسیں دلگوشی، گلیشیئر ءُ جنگل آنی رکھینگ ءِ سر ءَ سرجمیں گپ ءُ تران کنگ بوت۔ مزن وزیر کارگس ءِ میڈیا ونگ ءِ رد ءَ مزن وزیر ءَ گوشت کہ پاکستان ءِ گوریچانی دمگ ءُ ھاسیں رنگ ءَ گلگت بلتستان سیل ءُ سواد ءِ ھوالگ ءَ سرجمیں دگنیا ءَ شررنگیں دمگ ات ایش کدرتی شررنگی ءَ چہ پُر انت ءُ نوکیں زمانگ ءِ آسراتی آنی پجاری کت کناں۔ سر وزیر ءَ مزن وزیر ءَ را اے رد ءَ گلگت بلتستان حکومت ءِ نیمگ ءَ آیوکیں ماہ فروری ءَ برجم بوھوکیں سکیئنگ ءِ مقابلہ ءِ بابت ءَ سرپد ھم کنگ بوت۔ گند ءُ نند ءَ گلگت ءَ مائنز آنی بنزہ ءَ چہ سیت چست کنگ ءِ واستہ گامگیج چست ءُ ھندی مردم آنی واستہ دیمروئی منصوبگ ھم باست ءُ واست کنگ بوت انت۔
