اسلام آباد۔25دسمبر (اے پی پی) مزن وزیر عمران خان ءَ بابائے راج قائداعظم محمد علی جناح ءَ را پاکستان ءِ جوڑیشت کار ءَ آئی ءِ کرد ءَ را توسیپ ءُ ستا پیش کنان ءَ گوشت کہ مارا قائد ءِ گوشتگ یکوئی، ایمان ءُ ڈسپلین ءِ رد ءَ وتی راجی یک مشت یے ضلورت انت تانکہ ملک ءِ استیں جیڈھ آناں گر ءُ دار کنگ بہ بیت۔ زندمان ءِ توامیں شوبگ آںی تہ ءَ بے درویں سروک ءِ جتگیں گام آنی پد ءُ رندی ءَ کنان ءَ توسیپ ءُ ستا پیش بکنت۔ قائداعظم محمد علی جناح ءِ ودی بوھگ یک رد ءَ یک کلوہے ءِ تہءَ مزن وزیر ءَ گوشت کہ بابائے قوم قائداعظم محمد علی جناح ھما پرسنالٹی انت کہ آئی سبب ءَ یک آزاتیں ھندے ءَ ما را چم پچ کنگ ءَ مارا موہ رستگ، قائداعظم محمد علی جناح برصغیر ءِ مسلمان آنی واست یک وژن ءِ داشتگ ایشی ءِ سبب ءَ پاکستان ءِ لکا ءِ تہ ءَ یک جتائیں مملکت ءِ جوڑ بوت۔ مرچی مارا راجی سروک ءِ ودی بوھگ ءِ روچ ءَ را گوں گل ءُ شاتی ءَ برجم دارگ لوٹ ایت۔ بنی آدمی راجدپتر لستیں مردم انچین انت کہ چوش کہ قائدعظم انت۔ آئی ءَ گوشت کہ قائداعظم محمد علی جناح ءِ جزم بوتگ کہ زبھری ءُ انتشار ءَ چہ پاکیں ھندیں ءَ یک انچیں راجے جوڑ کنگ بہ بیت کہ آ ھمک رنگیں نہ وشی ءُ مشکل آں چہ آزات ءُ ایمن بوت بہ کنت۔ مزن وزیر ءَ گوشت کہ محمد علی جناح ایوک ءَ مئے ناں بلکینگ ءَ سرجمیں مسلمان آنی واستہ یک بے دروریں نمونگ ات۔ مزن وزیر ءَ گوشت کہ ایش مئے سر ءَ اللہ پاک ءِ کرم انت کہ آئی ءَ مارا قائداعظم محمد علی جناح ءِ سسا ءِ رد ءَ سرجمیں دگنیا ءَ یک مھکمیں راجے جوڑ بوھگ ءِ مئے اندر ءَ احساس پیداک کتگ۔
