اسلام آباد۔25دسمبر (اے پی پی):صدر مملکت ڈاکٹر عارف علوی ءَ زھگ آنی سر ءَ زور دات کہ آ بابائے راج قائداعظم محمد علی جناح ءِ رھبند آنی رد ءَ ھمک شوبگ ءَ علم ءُ ازمکاری ءِ درشان ءَ بکن انت ءُ وتی ملک ءَ را ٹوھیں کونڈگ آنی سر ءَ سر بکن انت، بے مٹیں ملک مکھم ءُ برجمیں راج آں وتی ازمت، جزم ءُ ساپ دلی ءِ گوما جوڑیشت کتگ، پاکستان سروک ءِ امانت انت ءُ نوں ورنا آنی زمہ واری انت کہ آ راج ءَ را مکھکم ءُ وشھال جوڑ بکن انت۔ اے ھیالانی درشانی آئی ءَ آدینگ ءِ روچ ءَ ایوان ءِ صدر ءَ یوم قائد ءِ رد ءَ “قائد ءُ زھگ” ءِ بن گپ ءِ رد ءَ بست ءُ بند کتگیں مراگش ءَ گوں تران کنان ءَ کت۔ صدر ءَ زھگ آناں گوشت کہ آ قائداعظم محمد علی جناح ءِ زندمان ءِ پٹ ءُ لوٹ ءَ بکن انت کہ کجام وڑ ءَ آئی ءَ پاکستان ءِ جوڑیشت ءِ واستہ وتی بے دروریں ازمت آناں کتگ۔
