کوئٹہ ۔25دسمبر (اے پی پی): سر وزیر بلوچستان جام کمال خان ءَ گوشت کہ قائداعظم محمد علی جناح اے پڑے بے مٹیں سروک ءِ بوتگ، پاکستان ءِ جوڑیشتکار یک جوانیں لیڈرے بوتگ آئی ءَ ملک جوڑ کتگ، برصغیر ءِ مسلمان قائداعظم ءِ سر ءَ دل یکیمی بوتگ انت۔ بابائے قوم پاکستان ءُ زیارت ءِ واستہ یک بے دروریں ٹیکی یے بوتگ۔ قائداعظم ءِ سسا آنی رد ءَ ملک ءُ راج ءِ دیمروئی بوت کنت۔ اے ھیالانی درشانی آنی ءَ پاکستان ءِ جوڑیشت کار محمد علی جناح ءِ ودی بوھگ ءِ روچ ءِ درگت ءَ قائداعظم ریذیڈنسی ءَ برجم داشتگیں بیرک ٹنگگ ءِ مراگش ءَ گوں گشتانک دیان ءَ کت۔ اے موہ ءِ سر ءَ کمانڈر سدرن کمانڈ لیفٹننٹ جنرل سرفراز علی، انسپکٹر جنرل فرنٹیئر کور نارتھ میجر جنرل فیاض حسین شاہ، جی او سی انعام حیدر ملک، صوبائی وزیر انجینئیرزمرک خان اچکزئی، حاجی نورمحمد خان دمڑ، میر ضیائاللہ لانگو، سینٹر انوار الحق کاکڑ، صوبائی اسمبلی باسک سردار مسعود لونی، قومی اسمبلی باسک سردار اسرار ترین، قبائلی سروک اے موہ ءِ سر ءَ ساڑی اتنت۔ ایشی ءَ چہ پیسر سر وزیر بلوچستان ءَ ایندگر شریک آنی ھمبراھی ءَ قائداعظم ریزیڈنسی ءَ بیرک ٹنگ ات۔ مراگش ءِ موہ ءَ پولیس ءِ ورنا آں سلامتی ھم پیش کت۔ سر وزیر بلوچستان جام کمال خان ءَ گشتانک دیان ءَ گوشت کہ پاکستان یک بے مٹیں ملک ات ءُ شرپ مندیں راجے اندر ءَ یک شرپ مندیں لیڈر ءِ ودی بوتگ۔ قائداعظم ءَ مارا یک بے مٹیں ٹیکی ءِ داتگ۔
