اسلام آباد۔25دسمبر (اے پی پی): سرجمیں دگنیا ءِ وڑ ءَ پاکستان ھم عیسائی برات آناں وتی نیک راھی موہ کرسمس ءِ وشیں روچ ءَ را ٹوھیں جوش ءُ جوزگ ءِ گوما برجم داشت، پاکستان ءَ چرچ ءُ عیسائی کوچگ آنی تہ ءَ کرسمس ءِ مراگش ءِ بنگیج ملک ءُ راج ءِ سلامتی ، وشھالی ءُ دیمروئی ءِ واستہ ھاسیں دعا آنی گوما کنگ بوت، صدر ، مزن وزیر ءَ ابید ٹوھ ٹوھیں سروک آں نیک راھی کلوہ جاڑی جاڑی کت انت۔ سرجمیں دگنیا ءَ اے وشیں روچ ءِ رد ءَ مراگش کوویڈ-19 ءِ ھوپ ءِ دومی فیز ءِ سببءَ ڈیجیٹل رنگ ءَ برجم دارگ بوت۔ پدا ھم ملک ءِ ایندگر شہر آنی وڑ ءَ بنجاھی دارلحکومت اسلام آباد ءَ عیسائی آں اے وشیں روچ روایتی رنگ ءَ برجم داشت ، اے ساھت ءَ آواں ترندی ءَ گوں رکھینگی رھبند آناں پد ءُ رند کت۔ سرکاری مراگش ءَ بگر تاں کیک کپ کنگ ءِ مراگش جتا جتائیں چست ءُ ایر آںی ساھت ایس او پیز آنی گوما مراگش بست ءُ بند کنگ بوت انت۔ ایمنی ءَ را برجم دارگ ءِ واستہ سیکورٹی فول پروف انتظامی بست ءُ بند ءَ ابید ٹریفک ءِ روانی ھم برجا دارگ گوں جوانی ءَ بوت۔ ءُ عیسائی آںاں آسراتی دیگ بوت۔ ٹریفک پولیس ءَ 162 اسکواڈ ءَ را چرچ آنی کش ءُ کراں، شاپنگ مال، السی مچی جاھ، ءُ بازار آں اوشتات انت۔
