اسلام آباد۔25دسمبر (اے پی پی): راجی سروک قائداعظم محمد علی جناح ءِ ودی بوھگ ءِ روچ ءِ درگت ءَ آدینگ ءِ روچ ءَ را جوش ءُ جوزگ ءِ گوما برجم دارگ بوت۔ ایوان ءِ صدر ءَ ھاسیں مراگش ءَ ابید سرکاری ءُ جندی تک ءَ ایندگر مراگش برجم دارگ بوت، سول ءُ اردی سروک آں ھاسیں کلوہ جاڑی کت ءُ زرباری ایشیا ِ نامداریں سشروک ءُ آوانی باسک آں آزات مملکت پاکستان ءِ واستہ جوانیں جہد ءُ کوشست ءُ قربانی آناں توسیپ ءُ ستا پیش کت۔ پاکستان ءِ جوڑیشت ءِ 144 یک سد ءُ چیل ءُ چارمی ودی بوھگ ءِ روچ ءِ موہ ءَ روچ ءِ بنگیج ملک ءُ راج ءِ دیمروئی، سلامتی ءُ وشھالی ءِ واستہ ھاسیں دعا آنی گوما کت۔ کراچی ءَ مزار ءِ قائد ءِ سر ءَ گارڈؑ آنی مٹ ءُ بدلیءِ جوانیں مراگش ءِ بست ءُ بند کنگ بوت ایشی ءِ تہ ءَ پاکستان ملٹری اکیڈمی کاکول ءِ دستہ ءَ گارڈ ءِ فرض پیلو کت انت۔ پاکستان ملٹری اکیڈمی ءِ کمانڈنٹ میجر جنرل عمر احمد بخاری اے موہ ءِ سر ءَ ھاسیں مہمان ات۔ آئی ءَ مزار ءِ سر ءَ پل آنی چادر پر دات، پاتیہ وانی کت ءُ ایشی ءَ چہ پد مہمان آنی کتاب ءَ وتی مارشت آناں قلمبند کت۔ ملٹری اکیڈمی ءِ دستہ ءَ مارچ پاسٹ کت ءُ بابائے قوم ءَ را سلامی دات۔ سرکاری ءُ جندی تک ءَ قرآن وانی ءُ بیرک ٹنگگ بوت۔
