اسلام آباد۔25دسمبر (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ پی ڈی ایم ءِ بیان اچ رنگ ءَ جمہوری نہ انت، 2018 ءِ گچین کاری ءَ ساپ ءُ سلہ ئی ءَ را میاں اوستمانی ادارگ ھم من اتگ، چے اپوزیشن ءَ دست مانجنی ءِ جیڈھ الیکشن کمیشن ، سپریم کورٹ یا پارلیمنٹ ءَ چست کتگ، شمے گوارا دھاندلی ءِ ثبوت چے است، مئے جنز ءُ ایشانی جنز ءَ پرک چے انت ما اے جمہوری فورم ءَ را کارمرد کتگ ءُ ایش توامیں گیر جمہوری رپک ءَ را کارمرد کنگ ءَ انت، پی ڈی ایم ءِ سروکی ءَ اے وڑیں مردم ءِ کنگ ءَ انت کہ آئی ءِ گسر ءَ شرپ ءُ ازت نیست، مولانا فضل الرحمان وتی ھلاپ ءَ کرپشن کیس آنی بابت ءَ پسو دیگ ءِ مٹ ءَ دھمکی دیگ ءَ انت، ھکیں گپ ءُ راستی ءِ سہرا کنوکیں مردم آناں پارٹی ءَ چہ در کنگ کجام جمہوریت انت، مولانا فضل الرحمان وتی پارٹی ءَ گیر ضلوریگ بوتگ انت، پی ڈی ایم چوش وا دم توس بوتگ۔ زاتی سیت آنی واستہ مدرسہ آنی زھگ آناں کارمرد کنگ بوھگ ءَ انت۔ آ آدینگ ءِ روچ ءَ پی آئی ڈی ءَ بنجاھی وزیر کشمیر ءُ گلگت بلتستان علی امین گنڈا پور ءِ ھمبراھی ءَ پریس کانفرنس ءَ گشتانک دیان ءَ کت۔ بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ حکومت پاکستان ءِ نیمگ ءَ عیسائی برات آناں کرسمس ءِ موہ ءَ مبارک بات پیش کنت ءُ پاکستان ءِ جوڑیشتکار ءِ ودی بوھگ ءِ روچ ءَ را توسیپ ءُ ستا پیش کنت۔
