اسلام آباد۔24دسمبر (اے پی پی): راجی ھال رسانکی ادارگ اے پی پی ھیڈ کوارٹر ءَ ادارگ ءِ عیسائی ورکرز آنی آوانی نیک راھی شرپ مندیں روچ ءِ درگت ءَ یک مراگش ءِ بست ءُ بند کنگ بوت، ایگزیکٹو ڈائریکٹر سیّدہ عدیلہ رباب کاظمی اے موہ ءِ ھاسیں مہمان ات۔ آئی ءَ جتا جتائیں شوبگ آنی تہ ءَ عیسائی ورکر آنی کزبی کار آناں داد بکشائت ءُ ساڑات ، ایشی ءَ ھوار آئی ءَ کرسمس ءِ کیک ھم کپ کت۔ اے موہ ءِ سر ءَ ادارگ ءِ کلانہ ایں اپسرگ قمر اللہ چوہدری، شفیق قریشی، عبدالجبار زکریا، محمد عظیم ءُ ایندگر اپسرگ ساڑی اتنت۔ ادارگ ءِ ایندگر جرنلسٹ ءُ نان جرنلسٹ ورکر آنی مزنیں کساسے ءَ بھر زوری کت ءُ نیک راھی یکوئی ءِ درشان کت۔ اے پی پی ءَ ھمک سال وتی عیسائی ورکر آنی شرپ ءَ اے رنگیں مراگش بست ءُ بند کنگ بیت۔ اے پی پی ءِ ایگزیکٹو ڈائریکٹر سیدہ عدیلہ رباب کاظمی ءَ عیسائی برات آناں کرسمس ءِ مبارک بات دات ءُ عیسائی ورکر آنی ھمبراھی ءَ کرسمس ءِ کیک کپ کت۔ عیسائی مزور آنی نیمگ ءَ ایگزیکٹو ڈائریکٹر ءَ را شال ءِ پوشائینگ بوت۔
