راولپنڈی ۔ 11مارچ( اے پی پی) بری فوج ءِ سروک جنرل قمر جاوید باجوہ ءَ گوں پشاور زلمی ءِ ٹیمءَ شمبے ءِ روچءَ جنرل ہیڈکوارٹرز ءَ گندءُ نند کتگ۔ آرمی چیف ءَ ٹیم ءُ آئی ءِ انتظامیہ ءَ را آھانی جوانیں کارءُ کردءِ سرءَ مراد بات پیش کتگ ءُ پاکستان ءَ میاں اوستمانی کرکٹ ءِ واتری ءِ ھاترءَ پی ایس ایل ءِ دراھیں ٹیم ءُ انتظامیہ ءِ کوشستاناں ساڑاتگ۔ فوج ءِ شعبہ تعلقات عامہ ( آئی ایس پی آر) ءِ جاری بیانءِ تہا گشگ بوتگ کہ فوج ءِ سروک ءَ ھاس پاکستانءَ آھوکیں درملکی لیبی ءُ مہمان آنی نام گپتگ ءُ آھانی شگرءُ منت گپتگ۔ چیف آف آرمی سٹاف ءَ گشتگ کہ پاکستان یک امن ءُ ایمنیں دوستیں ملک اِت۔ آئی ءَ گشتگ کہ کرکٹ پاکستان ءِ تہا درساں چہ گیش پسند کنوکیں لیب اِت ءُ ر اج ءِ تہا مھکم بوھگ ءِ وسیلگ اِت۔
