اسلام آباد۔ 24 دسمبر (اے پی پی) وزیراعظم پاکستان و پاکستانی قوم انا فلسطین نا ویل آ موقف جرات مندانہ و فلسطینی حکومت وع الس کن گمر نا سوب و اعزاز اسے، پاکستان نا حکومت و الس نا دا جیرت مندانہ موقف آ منت واری ءِ ہرفنہ۔ ننا جہد اسرائیلی تسلط نا برخلاف ءِ، فلسطینی الس نا جہد اسہ آجو فلسطینی ریاست نا قیام ءِ ہرانا دارالخلافہ القدس مرے و اونا پاکستان و اہل پاکستان مدام ننا تائید ءِ کرینو۔ داہیت ءِ فلسطینی صدر محمود عباس وزیراعظم پاکستان عمران خان نا پن اسہ چھٹی اسے ٹی پارے ہرا پنچ شنبے نا دے آ فلسطینی سفیر احمد ربیعیی چیئرمین پاکستان علماء کونسل و نمائندہ خصوصی وزیراعظم بین المذاہب ہم آہنگی و دے ٹک نیامی حافظ طاہر محمود اشرفی نا حوال کرے۔ پاکستان علماء کونسل نا کنڈآن جاری بیان نا رداٹ حافظ محمد طاہر محمود اشرفی پنچ شنبے نادے آ فلسطینی سفارتخانہ نا دورہ ءِ کرے و فلسطینی سفیر تون اسیجاپریس کانفرنس آن تران کرے۔ داوخت آ فلسطینی سفیر فلسطینی صدر نا کلہو ءِ نشر کرسا پارے کہ پاکستان نا ساڑی حکومت نا موقف آ فلسطینی حکومت و الس وزیراعظم عمران خان، آرمی چیف جنرل قمر جاوید باجوہ نا منت وار اُن۔ ننے سماءِ کہ اسرائیلی میڈیا نا بے بنداو پروپیگنڈا نا کمک اٹ پاکستان، حکومت پاکستان و پاکستان نا فوج انا بابت مسلمان تے گمراہ کننگ نا سازش کننگ انگ ءِ ولے اہل فلسطین پاکستان نا موقف آ پاکستان نا حکومت و عسکری سرکڑدہ غاتا منتوار ءِ۔ حافظ محمد طاہر محمود اشرفی پارے کہ اینو فلسطینی سفارتخانہ ٹی فلسطینی الس تون یکجہتی نا درشانی کن بسونٹ۔ ہوکا تالان کروک آتے پاننگ خواوہ کہ نن است وجون اٹ اہل فلسطین تون تفوک اُن۔ اسرائیل ءِ امنا کننگ نا تصور ءِ ہم عمران خان نا حکومت اٹ کننگ مفک۔
