مچ آ ملک اٹی 24 گھنٹہ ٹی کورونا آن پین 111 بندغ زوال کریر، نیشنل کمانڈ اینڈ آپریشن سینٹر

اسلام آباد۔ 24 دسمبر (اے پی پی) نیشنل کمانڈ اینڈ آپریشن سینٹر نا رداٹ مچ آ ملک اٹی 24 گھنٹہ ٹی کورونا نا ارٹ میکو ریسہ غان پین 111 بندغ زوال کرینو۔ این سی او سی نا کنڈآن جاری کروک حساب وکتاب نا رداٹ مچ آ ملک اٹی کورونا ناجوڑ آتا کچ 4 لکھ 65 ہزار 70 مس، 24 گھنٹہ ٹی کورونا نا پین 2 ہزار 256 کیس رپورٹ مس، 24 گھنٹہ ٹی 37 ہزار 173 کورونا ٹیسٹ کننگا، مچ آ ملک اٹی کورونا ایکٹو کیس آتا کچ 38 ہزار 268 مسنے۔ این سی او سی نا رداٹ 24 گھنٹہ ٹی کورونا آن پین 111 مرک مس، مچ آ ملک اٹی کورونا غان زوال کروک آتا کچ 9 ہزار 668 مس، کورونا غان زہمی 4 لکھ 17 ہزار 134 ناجوڑ دراخ جوڑ مسر۔ مچ آ ملک اٹی 1782بندغ دراخ جوڑ مسر وخت اس کہ 2361بندغ نا حالیت نازرک ءِ۔ داتم اسکان پنجاب اسہ لکھ 33 ہزار 874، سندھ اٹی 2 لکھ 7 ہزار 407 کیس رپورٹ مس، خیبرپختونخوا 56 ہزار 160،بلوچستان اٹی 18 ہزار 5 کیس آزاد کشمیر اٹی کورونا رپورٹ مس۔ اسلام آباد 36 ہزار 721، گلگت بلتستان اٹی 4 ہزار 838کیس رپورٹ مس ناجوڑ آتا کچ 8 ہزار 65 مس، مچ آ ملک اٹی 64 لکھ 28 ہزار 240 کورونا ٹیسٹ کننگانے۔