اسلام آباد۔ 24 دسمبر (اے پی پی) داوخت آ ملک اٹی کورونا نا دین انا مثبت کچ 6.07 درسد ءِ، ملک اٹی کورونا نا مثبت کیس آتا غٹ آن زیات کچ کراچی ٹی 12.45 درسد اوکان پد پشاور اٹی 10.96و ایبٹ آباد اٹی 7.81 درسد ءِ۔ پنچ شنبے نادے آ نیشنل کمانڈ اینڈ آپریشن سینٹر نا کنڈآن جاری کروک حساب وکتاب نا رداٹ غٹ آن زیات کورونا کیس آتا مثبت کچ کراچی ٹی 12.45 درسد ءِ۔ مچ آ ملک اٹی 2 ہزار 361 کورونا ناجوڑ آتا حالیت نازرک ءِ و داوڑنا ناجوڑ آتا کچ ترندی اٹ ودنگ ءِ۔ چندی بنجائی اکائی تیٹی کورونا دین انا مثبت کیس آتا کچ انا لحاظ اٹ آزاد جموں کشمیر اٹی دا کچ 6.17 درسد، بلوچستان اٹی 5.64درسد، گلگت بلتستان اٹی 1.54 درسد، اسلام آباد اٹی 5.08درسد، خیبرپختونخوا ٹی 8.40درسد، پنجاب اٹی 4.49درسد و سندھ اٹی 7.8 درسد ئس۔ ہنداوڑاٹ صوبہ غاتا چندی شار تیٹی کورونا کیس آتا مثبت کچ انا لحاظ اٹ پنجاب اٹی لاہور 7.29درسد، راولپنڈی 6.40درسد، گوجرانوالہ ٹی 5.62درسد، فیصل آباد 2.70درسد، ملتان 3.24درسد، سندھ انا شار ہرافتے ٹی کراچی 12.45درسد، حیدر آباد 6.40 درسد ئس۔ ہنداوڑاٹ خیبرپختونخوا نا شار پشاور 10.96درسد، سوات1.49درسد، ایبٹ آباد 7.81 درسد۔ بلوچستان نا شار کوئٹہ ٹی 2.99 درسد کچ ئس۔ بنجائی دارالحکومت اٹی 5.08درسد۔ آزاد کشمیر نا شار تیٹی میرپور 536 درسد، مظفرآباد 4.83 درسد ءِ۔ کورونا نا دین آن ملک اٹی مروک آ مرک آک 9 ہزار 668 ءُ۔
