اسلام آباد۔ 24 دسمبر (اے پی پی) وزیراعظم عمران خان سمندر پار رہینگوک آ پاکستانی تا منت واری ءِہرفینے ہرافک روشن ڈیجیٹل اکاؤنٹ نا کمک اٹ گونڈ ءُ وخت اسے نا تہہ ٹی بھلو زر اس مون تسر۔ پنچ شنبے نادے آ تینا ٹویٹ اٹی وزیراعظم عمران خان پارے کہ پیشن نا ملک رہینگوک پاکستانیک ہرا ننا عظیم ءُ میرات ءُ نا منت واراُٹ۔ اوفتا کنڈآن مرکزی بینک انا روشن ڈیجیٹل اکاؤنٹ نا کمک اٹ مون تروک زر تدوک آ دے ماشاء اللہ 200 ملین ڈالر آن گدرینگا۔ اوپارے کہ ترسیلات زر اٹی ترندی بننگ ءِ، اولیکو 76 دے اٹی 100 ملین ڈالر وخت اس کہ بروک آ 28 دے اٹی 100 ملین ڈالر موصول مسنے، ہنداوڑ دا کچ اٹی ودکی مننگ ءِ۔
