حکومت زالبول آناں ھم کچیں ھک پجاری  ءِ ایجنڈا آنی سر ءَ رھادگ انت، جرنلسٹ پروٹیکشن بل ءِ سر ءَ زالبولیں اھوالکار آنی ھک آناں دل یکیمی جوڑ کنگ بوھگ ءَ انت، بنجاھی وزیر اھوالکاری ءُ شنگ کاری سینیٹر شبلی فراز ءِ زالبول آنی ھک آنی ھوالگ ءَ  مراگش ءَ گوں گشتانک

اسلام آباد۔23دسمبر  (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ مزن وزیر عمران خان  ءِ سروکی ءَ استیں حکومت ز البول آناں ھم کچیں  ھک  پجاری ءِ ایجنڈاس آنی سر ءَ  رھادگ انت،  اسلامی راجدپتر، تحریک آجوائی ءَ  زالبول آنی دروری  کرد بوتگ، جرنلسٹ پروٹیکشن بل ءَ زالبولیں اھوالکاری آنی  ھک آنی پجاری دل یکیمی جوڑ کنگ بوھگ ءَ انت، زالبول آنی ھک آنی واستہ جوانیں ءُ مھکمیں   گامگیج  کنگ ءِ واستہ   نیک راھی ، دود ءُ ربیدگی شرپ ءُ ازت  ءِ تہ ءَ دماگی ھیل کاری ءُ شاھیگانی  کنگ وھد ءِ  ارزشتی ایں ضلورت انت۔ سائبر کرائم،  اراسمنٹ ءُ ایندگر  گیش بوھوکیں جیڈھ  آنی گر ءُ دار ءِ واستہ کانود ءِ جوڑی ءُ ایندگر گامگیج چست کنگ بوھگ ءَ انت، اے گپ ءِ دل یکیمی کنگ بہ بیت کہ زالبول آناں چاگردی رکھینگ  بہ رس ایت۔ آ چار شمبے ءِ روچ ءَ ایوان ءِ صدر ءَ زالبول آنی ھک آنی ھوالگ ءَ مراگش ءَ گوں گشتانک دیگ ءَ ات۔  بنجاھی وزیر سینیٹر شبلی فراز ءَ گوشت کہ ملک ءِ آباتی ءِ 50 درسد آباتی  زالبول  انت، آوانی ھک آنی بابت ءَ گامگیج المی انت۔