اسلام آباد۔23دسمبر (اے پی پی): مزن وزیر عمران خان ءَ گوں برطانوی ایوان ءِ بالا ءِ باسک لارڈ عامر سرفراز ءَ گند ءُ نند کت ۔ چار شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءِ ھاسیں کمکار برائے اوورسیز پاکستانی سید ذوالفقار عباس بخاری ھم شریک ات۔ مزن وزیر ءَ لارڈ عامر ءَ را کم امبری ءَ لارڈ ءِ شرپ رسگ ءِ پد ءَ مبارک بات دات۔ لارڈ عامر کستریں لارڈز ءِ لڑ ءَ ھوار انت۔ گند ءُ نند ءَ پاکستان ءُ برطانیہ ءِ یکوئی آناں گیش برجم کنگ ءِ سر ءَ ھم سرجمیں رنگ ءَ گپ ءُ تران کنگ بوت۔ مزن وزیر ءَ ڈن ملکی پاکستانی آناں گران بھائیں مراس ءُ مڈی نامینان ءَ اے گپ ءِ سر ءَ زور پر دات کہ حکومت اے جیڈھ آناں گیوار کنگ، ملک ءَ سرمایہ کاری ءِ کار رپک ءَ را آسان جوڑ کنگ، ڈن ملک ءَ نندوکیں پاکستانی آنی سرمایہ ءَ را رکھینگ ءُ لیکہ آنی درشانی ءَ ھوار کپگ ءَ را ارزشتی پھم ایت۔
