اسلام آباد۔ 23 دسمبر (اے پی پی) بنجائی وزیر بجلی پٹرولیم عمرایوب خان پارینے کہ پاکستان قابل تجدید توانائی نا وسیلہ غاتیان فائدہ ہرفنگ ءِ، پوسکن آ قابل تجدید توانائی پالیسی ساڑی حکومت نا شفاف پالیسی تا سوب آن زرکارآتیکن وارخواہی اتیک۔ حکومت 2025ء اسکان 25 درسد و 2030 ء نا ایسر اسکان 30 درسد بجلی نا پیدوار قابل تجدید ذریعہ اٹ دوئی کننگ و توانائی مکس اٹ ہائیڈل بجلی نا 40 درسد بشخ اوار کننگ کن ہدف مقرر کرینے، کھلی و مسابقتی بولی نا کمک اٹ قابل تجدید توانائی نا پاور پلانٹ آتے شفاف وڑاٹ ایتک، دا ڈٹ آتیٹی ٹیکنالوجی نا گدریفنگ نا ہم است بڈی ءِ کننگک۔ اوداخیال آتا درشانی ءِ ناروے ناسفیر کجیل گنارایریکسن تون گپ وتران کرسا کرے داوخت آ وزیراعظم نا خصوصی کمکار بجلی تابش گوہر ہم ساڑی ئس۔ ناروے نا سفیر بنجائی وزیر توانائی ءِ توانائی نا بشخ اٹ ناروے نا برجا ڈٹ آتیان معلومدار کرے۔ سفیر پوسکن منظور مروک گیگ بدل توانائی پالیسی نا رداٹ توانائی نا بشخ انا مون آ بروک مارکیٹ و کاروباری وارخواہی تیاہم گپ وتران کرے۔ داوخت آ عمر ایوب خان پارے کہ پاکستان قابل تجدید توانائی نا بھلو کچ اسے کاریم اٹ اتنگ ءِ۔ اوپارے کہ پاکستان نا پوسکن آ قابل تجدید توانائی پالیسی ساڑی حکومت ناشفاف پالیسی تا سوب آن زرکارآتیکن وارخواہی اتیک۔ اوپارے کہ حکومت 2025ء اسکان 25 درسد و 2030ء نا ایسر اسکان 30 درسد بجلی نا پیدوار قابل تجدید ذریعہ اٹ دوئی کننگ و توانائی مکس اٹ ہائیڈل بجلی نا 40 درسد بشخ اوار کننگ نا ہدف ءِ مقرر کرینے۔ اوپارے کہ حکومت پاش و مسابقتی بولی نا کمک اٹ قابل تجدید توانائی نا پاور پلانٹ آتے شفاف وڑاٹ ایتک۔ اوپارے کہ حکومت دا ڈٹ آتیٹی ٹیکنالوجی نا گدریفنگ نا ہم است بڈی ءِ کیک۔ اوپارے کہ حکومت ملک اٹ ونڈ ٹربائنز و سولر پینلز نا تیاری و اسمبلنگ آ چکار کننگ ءِ۔ ناروے نا سفیر پاکستان نا پوسکن آ قابل تجدید توانائی نا ستاءِ کرے و پارے کہ ناروے قابل تجدید توانائی نا بشخ اٹ پاکستان تون کمک کیک۔
