اسلام آباد۔ 23 دسمبر (اے پی پی) بنجائی وزیر ریلوائی اعظم خان سواتی تون چیئرمین سی پیک اتھارٹی لیفٹیننٹ جنرل (ر) عاصم سلیم باجوہ چارشنبے نادے آ وزارت ریلوائی اسلام آباد اٹی اوڑدہی کرے۔ بنجائی وزیر تون اوڑدہی ٹی چیئرمین سی پیک اتھارٹی پوسکن آ زمواری تے سنبھالنگ آ مبارکبادی تس و نیک است خواہی نا درشانی ءِ کرے۔ اوڑدہی ٹی سی پیک ڈٹ انا بابت گپ وتران مس۔ اوڑدہی ٹی ریلوائی ءِ پوسکن آ وڑوڈول آتیا اتنگ و ایم ایل ون ڈٹ انا بابت تین پہ تینی امور آ ہم گپ وتران مس۔ چیئرمین سی پیک اتھارٹی باوری کرفسا پارے کہ ایم ایل ون اونا خڑک ملک انا اہم انگا ڈٹ ءِ۔ اوڑدہی ٹی وزیر ریلوائی نا اسپیشل اسسٹنٹ غلام دستگیر بلوچ و ایلو بڑزکو آفیسر آک ہم ساڑی ئسر۔ وزیر ریلوائی پارے کہ پاکستان ریلوائی نا آخبت ایم ایل ون ڈٹ اتون گنڈوک ءِ۔ ایم ایل ون ڈٹ آن یک و نیم لکھ بندغ ءِ بلواسطہ و بلاواسطہ روزگار نا وارخواہی فراوان مریک۔ ہراڑآن ٹرین نا رفتار 160کلومیٹر فی گھنٹہ مریک۔ لاہور آن کراچی نا سفیر دورانیہ بیرہ 8 گھنٹہ مریک وخت اس کہ راولپنڈی و لاہور بیرہ دونیم گھنٹہ۔ ملتان و لاہور 2 گھنٹہ۔ کراچی و راولپنڈی دہ گھنٹہ مریک۔ ٹریک نا ہڑتوم آ کنڈ فینیسنگ مریک۔ غٹ پھاٹک آک چٹرہ۔ ایم ایل ون اتون اوار اوار ایم ایل ٹو و کوئٹہ گوادر آ ہم کاریم کینہ۔ ننا ریل مچ آ ملک ءِ جوڑک و گوادر پورٹ ءِ پوسکن ءُ زند اس ایتک۔
