صدر مملکت ڈاکٹر عارف علوی سینیٹ نا گچین کاری نا معاملہ غا آئین نا آرٹیکل 186 نا رداٹ سپریم کورٹ اٹ ریفرنس گدریفنگ نا وزیراعظم نا سلاہ نا منظوری ءِ تس

اسلام آباد۔ 23 دسمبر (اے پی پی) صدر مملکت ڈاکٹر عارف علوی آئین نا آرٹیککل 186 نا رداٹ سپریم کورٹ اٹ ریفرنس گدریفنگ نا وزیراعظم نا سلاہ نا منظوری ءِ تس و ریفرنس آ دستخط کرے۔ وزیراعظم نا سلاہ غا سینیٹ نا گچین کاری اوپن بیلٹ/شو آف ہینڈ انا کمک اٹ کرفنگ نا السی اہمیت نا معاملہ غا صدر سپریم کورٹ نا سلاہ ءِ خواہسونے۔ چارشنبے نادے آ داڑے ایوان صدر نا میڈیا ونگ آن جاری اسہ پریس ریلیز اسے نا رداٹ ریفرنس اٹ آئین اٹ ترمیم آن بیدس گچین کاری ایکٹ 2017ء نا سیکشن 122(6)اٹ ترمیم کننگ آ سپریم کورٹ نا سلاہ ءِ خواہنگانے۔ بنجائی کابینہ دا معاملہ غا 15 دسمبر آ سپریم کورٹ آن سلاہ ہلنگ نا منظوری ءِ تسنے۔