جہانی ادارہ باہوٹ آتا ایتھوپیا نا تنکی ءِ کم کننگ کن دمدستی امداد نا خواست

اڈیس ابابا۔ 23 دسمبر (اے پی پی) اقوام متحدہ نا ہائی کمشنر باہوٹ انسانی ہمدردی نا 30 پڑک آتون اواری اٹ 2021ء نا نیمہ اسکان تیگرے جھیڑہ نا سوب ہمپوک آ ایتھوپیا نا باہوٹ آتا انسانی بنداوی گرج آتے پورو کننگ کن 156 ملین امریکی ڈالر نا خواست کرینے۔ چینی خبررساں ادارہ نا رداٹ اقوام متحدہ نا باہوٹ ایجنسی نا کنڈآن جاری کروک بیان اٹی ترجمان آندرج میکیک نا بابت پارینے کہ دمدستی مالی خواست آن گمان ءِ کہ باہوٹ آتا پین ہمپ و بٹ انا حالیت اٹ ڈیہہ نا ایلو ملک آک ہم باہوٹ آتے قبول کننگ کن تیار مریرہ۔ ٹائیگرے پیپلزلبریشن فرنٹ و ایتھوپین دفاعی دستہ غاتا نیام اٹ قطبی ایتھوپیا نا ٹائیگرائی علاقائی ریاست اٹ ہفتہ وار جنگ آتا نتیجہ ٹی حوال آتا رداٹ سد آ بندغ زوال، ہزار آک بے اُرامسنو وخت اس کہ لکھ آ بندغ آتے مالی امداد نا دمدستی گرج ءِ۔ اقوام متحدہ نا باہوٹ آتا ایجنسی نا رداٹ تدوک آ شش ہفتہ ٹی 50 ہزار آن زیات باہوٹ دے ٹکی سوڈان اٹ تیگرے آن ہمپینو۔