اسلام آباد۔ 23 دسمبر (اے پی پی) امیر البحر ایڈمرل محمد امجد خان نیازی پارینے کہ پاک بحریہ ہروڑنا جارحیت نا پبی ورندی ءِ تننگ کن ہروخت تیار ءِ۔ ترجمان پاک بحریہ نا رداٹ نیول ہیڈکوارٹرز اسلام آباد اٹی پاک بحریہ نا کمانڈ اینڈ اسٹاف کانفرنس اس اڈ ہلک۔ کانفرنس نا کماشی ءِ پاک بحریہ نا سروک ایڈمرل محمد امجد خان نیازی کرے۔ کانفرنس اٹی ڈیہہ نا سیکورٹی حالیت، …
پاک بحریہ ہروڑنا جارحیت نا پبی ورندی ءِ تننگ کن ہروخت تیار ءِ، امیر البحرایڈمرل محمد امجد خان نیازی
گیشتریں ھال
اسلام آباد۔ 23 دسمبر (اے پی پی) امیر البحر ایڈمرل محمد امجد خان نیازی پارینے کہ پاک بحریہ ہروڑنا جارحیت نا پبی ورندی ءِ تننگ کن ہروخت تیار ءِ۔ ترجمان پاک بحریہ نا رداٹ نیول ہیڈکوارٹرز اسلام آباد اٹی پاک بحریہ نا کمانڈ اینڈ اسٹاف کانفرنس اس اڈ ہلک۔ کانفرنس نا کماشی ءِ پاک بحریہ نا سروک ایڈمرل محمد امجد خان نیازی کرے۔ کانفرنس اٹی ڈیہہ نا سیکورٹی حالیت، پاک بحریہ نا آپریشنل تیاری و ورناتا ہیلکاری و فلاحی امور نا جاچ ءِ ہلنگا۔ نیول چیف ءِ پاک بحریہ نا چندی دفاعی ڈٹ آتیا سرجم حوال تننگا۔ امیر البحر پوسکن آ ٹیکنالوجی نا دوئی کننگ نا کمک اٹ پاک بحریہ نا لائخی تیٹی ودکی نا گام گیج و آپریشنل تیاری تا ستاءِ کرے۔ نیول چیف ملک اٹ کورونا دین انا تالانی ءِ توننگ کن حکومتی پالیسی تیا پورو عملدرآمد نا بابت فیلڈ کمانڈ ءِ پارت ہم کرے۔
