بنجائی وزیر حوالکاری و شینکاری سینیٹر شبلی فراز نا ٹویٹ

اسلام آباد۔ 23 دسمبر(اے پی پی) بنجائی وزیر حوالکاری و شینکاری سینیٹر شبلی فراز پارینے کہ پی ڈی ایم اٹ اوار مفاد پرست ٹولہ نا سمت آک جتا و مزل آک جتاءُ، حکومت نا برخلاف تحریک چلیفوک آتا تینا برخلاف تحریک اس بناکرینے۔ چارشنبےنادے آ تینا ٹویٹ اٹی بنجائی وزیر سینیٹر شبلی فراز پارے کہ مولانا شیرانی و حافظ حسین احمد نا بیان اوناپیدوار شاہدی ءُ۔ جند انا فائدہ غاتے فوقیت تروک آتے رسوائی آن بیدس ہچ اس ملیپک۔ اوپارے کہ منتشر الخیال اپوزیشن نا بے چیٹی سیاست اٹ ملک و الس نا خیر خواہی اف، اللہ تعالیٰ اپوزیشن ءِ توفیق ایتے کہ اودے کرسی نا جاگہ غا الس و اوفتا ویل نظر بننگ بناکے۔