24گھنٹہ ٹی کورونا نا 2142کیس رپورٹ، 84 بندغ زوال، 35 ہزار 621 ٹیسٹ کننگا، نیشنل کمانڈ اینڈ آپریشن سینٹر

اسلام آباد۔ 23 دسمبر (اے پی پی) نیشنل کمانڈ اینڈ آپریشن سینٹر کورونا نا دین انا بابت تازہ حساب وکتابءِ جاری کرینے۔ سے شنبے نادے آ این سی اوسی آن جاری کروک حساب وکتاب نا رداٹ تدوک آ 24 گھنٹہ ٹی کورونا نا 2142 ناجوڑ آتا ٹیسٹ مثبت بس و 84 بندغ دا دین آن زوال کریر ہرافتیان 47 وینٹی لیٹر آتیا ئسر وخت اس کہ 11 ناجوڑ اُراتیٹی ئسر۔ تدوک آ 24 گھنٹہ ٹی کوویڈ۔ 19 نا 35 ہزار 621 ٹیسٹ کننگا ہرافتیان سندھ اٹی 10 ہزار 914، پنجاب اٹی 15 ہزار 214، خیبرپختونخوا ٹی 4 ہزار 480، اسلام آباد اٹی 3 ہزار 770، بلوچستان اٹی 380، گلگت بلتستان اٹی 396، آزاد کشمیر اٹی 467ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 4 لکھ 15 ہزار 352مسنے۔ گلگت بلتستان، آزاد کشمیر و بلوچستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آ اف۔ مچ آ ملک اٹی کوویڈ۔ 19 نا ایکٹیو کیس آتا کچ 37 ہزار 905ءِ۔ 615 ہسپتال مچ آ ملک اٹی کوویڈ۔ 19 نا ناجوڑ آتیکن جتا ءُ وخت اس کہ مچ آ ملک اٹی 2931 ناجوڑ ہسپتال آتیٹی داخل ءُ۔