سعودی عرب کن پی آئی اے نا اولیکو کارگو پرواز پاکستان آن 42 ٹن کارگو ہرفسا جدہ غا روانہ مس

اسلام آباد۔ 23 دسمبر (اے پی پی) قومی ایئر لائن پی آئی اے سعودی عرب کن کارگو جہاز چلیفنگ نا پڑو کرینے ہرانا رداٹ پی آئی اے نا اولیکو جہاز پاکستان آن 42 ٹن کارگو ہرفسا جدہ غا روانہ مسنے۔ پی آئی اے نا ترجمان عبداللہ خان نا کنڈآن چارشنبے نادے آ داڑے جاری اعلامیہ نا رداٹ کوویڈ آن زہمی زرگزران ءِ مون آ دننگ و برآمد آتے ودفنگ نا حکومتی پارت آتیا دا کارگوآپریشن نا بناءِ کننگ انگ ءِ۔ پاکستان آن میوہ، سوزی، و حلال سُو سعودی عرب ءِ برآمد کننگک، دا مصنوعات آتے وخت آ چاگڑدی کسر اٹ فراوانی المی مریک۔ ترجمان پارے کہ مسافر جہاز آتیا پابندی نا سوب برآمد آتازہمی مننگ نا گڑتی ئس ہراڑآ پی آئی اے نا چیف ایگزیکٹو آفیسر ایئرمارشل ارشد ملک پارت جاری کرینے کہ کارگو نا آسراتی کن پرکشش و جوان نرخ تخنگے۔ تدوک آ دے پی آئی اے نا اولیکو جہاز پاکستان آن 42 ٹن کارگو ہرفسا جدہ غا روانہ مس ۔ پی آئی اے مہالو آن پاکستان آن چین نا ہم کارگور جہاز آتا بناءِ کرینے۔