بروک آ 24 گھنٹہ ٹی ملک انا گیشتر علاقہ غاتیٹی موسم یخ و پِرکپننگ نا گمان ءِ، محکمہ موسمیات

اسلام آباد۔ 23 دسمبر (اے پی پی) محکمہ موسمیات نا رداٹ بروک آ 24 گھنٹہ ٹی اسلام آباد تون اوار پنجاب و ملک انا گیشتر علاقہ غاتیٹی موسم یخ و پِرکپننگ وخت اس کہ بڑزکو علاقہ و قطبی بلوچستان اٹی بھاز یخ مریک وخت اس کہ پنجاب نا میدانی علاقہ و بڑزکو سندھ اٹی سہب و نن نا وخت آتیٹی گوتلو مننگ نا گمان ءِ۔ تدوک آ 24 گھنٹہ ٹی ملک انا گیشتر علاقہ غاتیٹی موسم یخ و خشک وخت اس کہ قطبی بلوچستان، قطبی علاقہ جاٹ، کشمیر و بڑزکو خیبرپختونخواٹی بھاز یخ ئس۔ رپورٹ نا رداٹ کم آن کم درجہ حرارت، لہہ منفی 11، گوپس منفی 10، استور، سکردو منفی 9، کالام منفی 8، پاراچنار منفی 6، ہنزہ، گلگت، بگروٹ، کوئٹہ و قلات اٹی منفی 5 ڈگری سینٹی گریڈ ریکارڈ کننگا۔