اسلام آباد۔22دسمبر (اے پی پی):سپیکر راجی سمبلی اسد قیصر ءَ سئے شمبے ءَ جمہوری وطن پارٹی ء، سروک نوابزادھہ شاہزین بگٹی ءَ گوں گند ءُ نند کت ایشی ءِ اندر ءَ بلوچستان ءِ جاور ھال ءُ جیڈھ آنی سر ءَ تران کنگ بوت۔ سپیکر ءَ گوشت کہ حکومت ءِ بلوچستان ءَ چاگردی ءُ معاشی دیمروئیءِ واستہ جزمیگ انت۔ استیں حکومت بلوچستان ءِ الس آں گوں کتگیں وتی سوگند آں پیلو کنت۔ پارلیمنٹ بلوچستان ءِ دیمروئی ءُ جوڑیشت ءِ واستہ وتی کرد ءَ پیلو کنگ ءَ انت۔ بلوچستان ءِ جیڈھ ءِ گیواری ءُ دیمروئی ءِ نگرانی ءِ واستہ پارلیمانی کمیٹی ءِ جوڑیشت اے رچ ءِ کڑئی انت۔ سپیکر راجی اسمبلی ءَ گوشت کہ ایمنی ءَ ابید دیمروئی بوت نہ کنت۔ پاکستان اے وھد ءَ نہ وشیں جاور ھال آنی گوما دیم پہ دیمی کنگ ءَ انت۔ شاہ زین بگٹی ءَ گوشت کہ بلوچستان ءِ دیمروئی پاکستان ءِ دیمروئی انت۔ شاہ زین بگٹی ءَ اسپیکر راجی اسمبلی ءِ سروکی ءَ پارلیمانی کمیٹی ءِ جوڑیشت ءَ را ساڑات ءُ گوشت کہ بلوچستان ءِ الس آنی زبھری ءَ چہ الس ءَ را راجی یکوئی ھمگامی لڑ ءَ آرگ بوت کنت۔ شاہ زین بگٹی ءَ سپیکر راجی اسمبلی ءَ گوں ملک ءِ ایندگر بھر آنی تہ ءَ آباتیں بگٹی قبائل آنی وتی وتی گس آنی تہ ءَ واتری ءِ سر ءَ ھم گپ ءُ تران کنگ بوت۔ سپیکر راجی اسمبلی ءَ شاہ زین بگٹی ءَ را ھمک رنگیں کمک کنگ ءِ دل یکیمی کنائینت۔
