اسلام آباد۔22دسمبر (اے پی پی): بنجاھی وزیر توکی کار شیخ رشید احمد ءَ گوشت کہ پاکستان ءُ ربر امارات ءِ نیام ءَ کوھنیں یکوئی است انت۔ پاکستانی شہیر آنی ویزہ بندش ءِ زوت ھلاسی بہ بیت۔ اے ھیالانی درشانی آئیءَ پاکستان ءَ متحدہ عرب امارات ءِ سفیر عزت حماد عبیدابراہیم الزابی ءَ گوں گند ءُ نند کنان ءَ کت آئی ءَ سئے شمبے ءَ ادا آئی ءَ گوں گند …
پاکستانی شہری آنی سر ءَ ویزہ بندش ءِ زوت ھلاسی بوھگ لوٹ ایت، بنجاھی وزیر توکئی کار شیخ رشید احمد ءِ ماراتی سفیر ءَگوں گند ءُ نند ءَ تران
گیشتریں ھال
اسلام آباد۔22دسمبر (اے پی پی): بنجاھی وزیر توکی کار شیخ رشید احمد ءَ گوشت کہ پاکستان ءُ ربر امارات ءِ نیام ءَ کوھنیں یکوئی است انت۔ پاکستانی شہیر آنی ویزہ بندش ءِ زوت ھلاسی بہ بیت۔ اے ھیالانی درشانی آئیءَ پاکستان ءَ متحدہ عرب امارات ءِ سفیر عزت حماد عبیدابراہیم الزابی ءَ گوں گند ءُ نند کنان ءَ کت آئی ءَ سئے شمبے ءَ ادا آئی ءَ گوں گند ءُ نند کت۔ گند ءُ نند ءَ پاکستان یو اے ای یکوئی، یو اے ای ءَ پاکستانی کمیونٹی ءُ پاکستانی شہری آنی استیں ویزہ بندش ءِ ھوالگ ءَ گپ ءُ تران کنگ بوت ءُ عرب امارات ءَ پاکستانی کیزی آنی زوت جان سلامتی ءِ واستہ کمک آناں گیش ودینگ ءِ سر ءَ زور دیگ بوت۔ گند ءُ نند ءَ سیکرٹری توکی کار یوسف نسیم کھوکھر ھم ساڑی ات۔ گند ءُ نند ءَ شیخ رشید ءَ گوشت کہ عرب امارات ءَ پانزدھ لکھ پاکستانی ورکرز گران بھائیں مڈی انت۔ ھمک سال کساس 5 ارب ڈالر زرّ پاکستان ءَ روان دینت۔ آوانی چار ءُ گزار مئے یکجائیں زمہ واری انت۔ عرب امارات ءَ کیزیں پاکستانی آناں زوت واتر آرگ ءِ گامگیج ءِ پد ءَ یو اے ای حکومت ءِ کمک پکار بیت۔ آئی ءَ گوشت کہ پاکستان ءُ عرب امارات ءِ نیام ءَ کوھنیں یکوئی است۔ آئی ءَ گوشت کہ مزن وزیر عمران خان ءِ دور حکومت ءَ پاکستان ءُ عرب امارات ءِ نیام ءَ یکوئی آنی تہ ءَ گہتری اتکگ۔ عرب امارات ءِ سفیر ءَ شیخ رشید احمد ءَ را وزارت ءِ توکی کار ءِ سیٹ ءِ سر ءَ نندگ ءِ پد ءَ مبارک بات دات ءُ آئی کامیاتی آنی واستہ نیکیں واھگ ءُ واھشت آنی درشان کت۔
