اسلام آباد۔ 22 دسمبر (اے پی پی) وزیراعظم نا خصوصی کمکار سیاسی ابلاغ ڈاکٹر شہبازگل پارینے کہ اسلام نا پن آ فائدہ غاتا سیاست کروک آ فضل الرحمان، ایلوفتے یہودی ایجنٹ پارسا کرے، داسہ او تینٹ اسرائیل آ تینا نمائندہ غاتے گدریفوک آ رڑ انا سروک جوڑ ءِ۔ سے شنبے نادے آ تینا ٹویٹ اٹی ڈاکٹر شہباز گل پارے کہ مریم صفدر تینٹ نواز دور اٹی اسرائیل آ نمائندہ گدریفنگ نا انکشاف کرے، اینو فضل الرحمان ہمو رڑانا سروک جوڑ ءِ۔ سے شنبے نادے آ تینا ٹویٹ اٹی اوپارے کہ بے شک اللہ الحق ءِ و اللہ تعالیٰ اوفتے اوفتا دوتے اٹ ایکسپوز کرے۔ مولانا شیرانی فضل الرحمان ءِ دروغ تڑ پارے، سپریم کورٹ فیصلہ تس، نواز شریف دروغ تڑ اسے۔ مولانا فضل الرحمان نا رداٹ زرداری نواز شریف آن بھلا دُز، مریم و شہباز نا رداٹ زرداری علی بابا چِل دُز، بلاول نا رداٹ نواز شریف مودی نا یار و غدار ءِ۔
